Líkamleg, félagsleg og andleg næring 

Í hádeginu á þriðjudögum verður boðið upp léttan og hollan málsverð í Von, húsi SÁÁ í Efstaleiti 7, og léttan og hollan fyrirlestur um ýmsar hliðar á fíkn og bata við fíknisjúkdómum: Hollur og góður félagsskapur.

Í september bjóðum við upp á mat frá hollustumatstaðnum Happ. Gestir setjast saman við langborð og því óhætt fyrir fólk að koma einsamalt. Þegar maturinn hefur verið reiddur fram, kl. 12.10, hlýðum við á stuttan fyrirlestur og að honum loknum mun fyrirlesarinn spjalla við gesti og svara fyrirspurnum.

Spjallinu lýkur klukkan 13 og þá getur fólk haldið út í lífið endurnært á líkama og sál.