Kjarnakonur SÁÁ eru hópur kvenna sem eru óvirkir alkahólistar og aðstandendur alkohólista. Kjarnakonur hittast vikulega, á miðvikudögum í Von Efstaleiti 7 kl. 20:00 – 21:00.

Megin tilgangur með starfinu er að styðja við konur sem vilja fræðast um sjúkdóminn alkahólisma og áhrif hans á fjölskylduna. Áhersla er lögð á að efla umræðu og vinna gegn fordómum með því að fræðast um alkahólisma og ljá sjúkdómnum andlit. Sérstöl áhersla er lögð á bataleiðir. Skiptast konur á að deila reynslu sinni af því hvernigþærhafa náð bata frá alkahólisma eða meðvirkni og hvernig þær viðhalda batanum.

Kjarnakonur samgleðjast með konum sem eru að útskrifast úr Kvennameðferð með því að mæta einu sinni í mánuði við útskriftir og gefa konum bókagjöf. Það von okkar að konur sem eru í Kvennameðferð tengist Kjarnakonum og taki þátt í að móta og efla starfið.

Kjarnakonur bjóða til sín gestum einu sinni í mánuði á hádegisfund á Vogi. Á síðasta ári komu bæði ráðherrar, alþingiskonur, bæjastjórar ásamt sarfsfólki  heilsugæslunar. 

Slagorð okkar er:

VIÐ STYÐJUM KONUR GEGN ÁFENGIS OG VÍMUEFNAVANDANUM. VIÐ ÞORUM, VIÐ VILJUM OG VIÐ FRAMKVÆMUM. 

Dagskrá Kjarnakvenna SÁÁ verður kynnt í atburðadagatali vefsins með góðum fyrirvara en nánari upplýsingar um Kjarnakonur gefur Þóra í síma 8247615 eða thora@saa.is