Eftir hrunið sækja sprautufíklar af vaxandi þunga í rítalín

Eftir hrunið er það áberandi að örvandi vímuefnafíklar draga úr kókaínneyslu og sækja með auknum þunga í rítalín. Nú er svo komið að 56% þeirra sem eru að sprauta örvandi vímuefnum æð segjast nota rítalín og 36% sjúklinganna segja rítalín þeirra aðalefni.

Á síðasta ári greindust rúmlega 700 örvandi vímuefnafíklar á Sjúkrahúsinu Vogi. Þessir sjúklingar nota ýmist ólöglegt amfetamín, kókaín, E-pillur eða rítalín. Tæplega helmingur örvandi vímuefnafíklanna er að sprauta efnum í æð.

Á þessu ári er gerð sérstök athugun á neysluvenjum örvandi vímuefnafíklanna á Sjúkrahúsinu Vogi. Eftir fyrstu fjóra mánuðina kemur í ljós að rúm 60% sjúklinganna er að nota örvandi vímuefni og um 40 % sjúklinganna greinast fíknir í örvandi efni.

23% þeirra sem hafa notað örvandi vímuefni hafa sprautað þeim í æð. 56% þeirra nota til þess rítalín eða um 200 sjúklingar á ári.

Þegar þessar upplýsingar liggja fyrir ásamt því að rítalín gengur í vaxandi mæli kaupum og sölum á hinum ólöglega vímuefnamarkaði er ljóst að ávísun lækna á rítalín er komin úr böndunum.