Vandamál sem stafa af neyslu þeirra sem ekki eru fíknir

Fólk sem notar vímuefni og er ekki áfengissjúkt eða vímuefnafíkið lendir í slysum beinlínis vegna neyslunnar og bíður af neyslunni margháttar persónulegan skaða og óþægindi. Löggæsla vegna þessa hóps einkum þeirra ungu er kostnaðarsöm fyrir þjóðfélagið. Í þessu sambandi má vísa til þess að algengasta dánarorsök þeirra sem eru yngri en 25 ára er áfengisneysla beint eða óbeint. Þeir ungu sem þannig látast eru fráleitt allir áfengis- og vímuefnafíklar. Þeir sem nota vímuefni og ekki eru fíknir eru miklu fleiri en þeir fíknu og deila má endalaust um það hvor hópurinn er þjóðfélaginu kostnaðarsamari. Löglegu vímuefnin tóbak og áfengi valda langmestum skaðanum þó að ólögleg vímuefni og ávanalyf valdi líka miklum líkamlegum skaða og þjóðfélagsvanda.

Sjá ársskýrslu SÁÁ