Kókaín- og amfetamínfaraldur

Amfetamín kom hingað til lands fyrir rúmum 25 árum. Í kjölfarið bjuggust fagaðilar við að kókaínið myndi hefja innreið sína. Enda kókaínfaraldur staðreynd vestan hafs. KóKaínið kom á endanum, næstum tuttugu árum síðar og náði hámarki í fyrra.

Kókaínið kom til Reykjavíkur á árunum 1998-2000 og aldrei hefur verið meira af því en árið 2008.

Þótt kannabisfíkn hafi aukist og valdið verulegum breytingum á sjúklingahópnum á Vogi er þó tilkoma og aukning amfetamínfíknar mun alvarlegri. Faraldur ólöglegrar amfetamínneyslu sem svipaði til amfetamínfíknar í Svíþjóð hófst á Íslandi 1983. Síðan þá hefur örvandi vímuefnaneysla vaxið stöðugt þegar á heildina er litið og tók stórt stökk um leið og E-pillan kom til Íslands árið 1996.

Örvandi vímuefnafíkn hefur hlutfallslega aukist úr 10 % í 30% á síðustu 20 árum og síðustu árin verið aðalvandi fólks á aldrinum 20-30 ára. Um 70 % þeirra greinist með örvandi vímuefnafíkn af einhverju tagi. Það sem einkennir neysluvenjur fíklanna er að efnin er notuð í stórum skömmtum, í túrum og þau eru sogin í nef eða þeim sprautað í æð. Um 30% örvandi vímuefnafíkla fá lifrarbólgu C og rúmlega helmingur sprautar efnunum í æð.

Á árinu 1998 kom kókaín fyrst að einhverju gagni til Íslands og blandaðist og bættist við þann örvandi vímuefnavanda sem fyrir var. Kókaínneyslan hefur aldrei verið meiri en á árinu 2008.

Sjá SÁÁ blaðið 2009