Helmingi fleiri kannabisfíklar

 

Varla líður sú vika að kannabis komist ekki fréttirnar og undarlegt til þess að hugsa að kannbisefni og kannbisneysla hafi verið óþekkt á Íslandi 1967 og engin ólöglegur vímuefnamarkaður var til. Nú um 50 árum seinna er framleiðsla, innflutningur, dreifing, verslun og neysla þessara efni hluti af hinu daglega lífi Íslendinga.

 

Hvað er kannabis?

 

Kannabisplantan (Cannabis sativa) er talin eiga uppruna sinn í Mið-Asíu, en vex nú víða í hitabeltinu og tempruðum beltum jarðarinnar. Hún er stundum nefnd hampjurt því úr henni má vinna hamp. Úr blómstrandi toppum hampjurtarinnar, eða kannabisplöntunnar, er hægt að vinna vímuefni á mismunandi hátt sem einu nafni eru nefnd kannabisefni. Afurðirnar hafa mismunandi útlit og vímuefnastyrkleika en í stórum dráttum má tala um þrjár gerðir: maríjúana (gras), hass og hassolíu. Kannabisefni voru ekki notuð sem vímuefni á Vesturlöndum fyrr en á 20 öld. Í löndum araba var jurtin aftur á móti ræktuð til vímuefnagerðar frá upphafi miðalda.

 

Mikilvægt er að gera sér grein fyrir því að kannabisefni er samheiti yfir allar afurðir kannabisplöntunnar sem innihalda vímuefni. Kannabisefni eru ekki hrein efni heldur efnablanda yfir 400 efna og þegar þau eru reykt þá myndast yfir 2000 efni sem fara inn í líkamann. Rúmlega 60 þessara efna finnast hvergi á jörðinni nema í kannabisplöntunni og eru nefnd kannabínóíðar. Aðeins eru rúm 30 ár síðan það tókst að finna og sanna að einn þessara kannabínóíða, delta-9-tetrahydrokannabinol, væri langvirkastur þeirra allra og ylli nær öllum vímuáhrifunum. Skammstöfunin fyrir þetta efni er THC.

 

Kannabisjurtir sem eru heppilegar til vímuefnaframleiðslu voru áður mest ræktaðar í Austurlöndum fjær og nær (Líbanon, Íran, Pakistan, Afganistan og Nepal) en einnig hefur ræktun verið mikil í Marokkó og Mexíkó. Þaðan voru vímuefnin flutt til vesturlanda. Við Íslendingar fengum lengst af kannabisefni sem hassplötur og mest af því kom frá Marokkó. Flutningsleiðirnar voru í gegnum Amsterdam og Kaupmannahöfn. Nokkuð kom af maríjúana í gegnum herinn á Keflavíkurvelli á áttunda áratug tuttugustu aldar. Fram yfir árið 2000 var mest af þeim kannabisefnum sem komu til landsins hass frá Amsterdam og Kaupmannahöfn.

 

Vegna tækniframfara og vaxandi þekkingar í ræktun kannabisjurtanna hefur það sífellt færst í vöxt á Vesturlöndum að framleiða kannabisefni heima fyrir. Þannig er langt síðan að Kaliforníubúar voru sjálfum sér nógir með maríjúana. Vaxandi ræktun hefur verið í flestum Evrópulöndum.

 

Hér á Íslandi hafa menn fiktað við ræktun frá 1970 með misjöfnum árangri. Árið 2006 var það orðið ljóst að miklar breytingar höfðu orðið á íslenska kannabismarkaðnum. Neytendurnir notuðu í vaxandi mæli maríjúana sem framleitt var á Íslandi í stað hass. Í verðkönnunum sem gerðar voru á vegum SÁÁ á miðju ári 2006 var fyrst farið að spyrja sérstaklega eftir grasi eða maríjúana. Þá kom í ljós að stór hluti kannabisfíklanna var að nota innlent gras og greiddi hærra verð fyrir grammið heldur en af hassinu. Síðan hefur þetta aukist og nú er ljóst eftir að lögreglan hefur fundið kannabisræktanir í stórum stíl að á Íslandi er stunduð mikil kannabisræktun. Við ræktunina er notuð nýjasta tækni í garðyrkju og gróðurhúsaræktun ásamt mikilli sérþekkingu í kannabisræktun. Hér er á ferðinni skipulögð afbrotastarfsemi sem notfærir sér nýjustu tækni og þekkingu garðyrkjumanna.

 

Verð á götunni?

 

Eitt gramm af kannabis (hassi og maríjúana) kostar um 3500 krónur á götunni en verðið fer hækkandi.

 

Helstu kannabistegundir

 

Maríjúana 

Maríjúana eru blöð og blómsprotar jurtarinnar. Það ódýrasta er unnið úr villtum jurtum þannig að efsti hluti jurtarinnar er skorinn. Indverskt nafn er til um þennan maríjúanarudda “bhang” sem hefur að geyma lítið af harpix. Mikið af því marijuana sem reykt er í USA er af þessari gerð. Ef skorið er ofan af sérstaklega völdum og ræktuðum plöntum, helst kvenplöntum, fæst miklu vímuefnaríkara maríjúana. Maríjúana er allt frá grænu, yfir í grátt eða brúnt á litin og gerðin allt frá því að vera líkt telaufum yfir í stóra blaðhluta. Þegar búið er að tína burtu fræ og grófustu stöngulbútana getur því svipað til tóbaks og þá er hægt að vefja það í vindling, n “joint”, sem er reyktur.

 

Hass 

Hass (Hassis) er að mestu unnið úr jurtakvoðunni (harpixnum) sjálfum og er þá mulinn, sigtaður, og misvel hreinsaður harpix. Hann er pressaður í kökur sem hafa að geyma mismikið af blómsprotum. Hassið er vímuefnaríkari en maríjúana og heitir á Indlandi charas. Liturinn á hassi er allt frá ljósbrúnu að því að vera næstum svartur. Það er blandað saman við sígarettu tóbak og reykt.

 

Hassolía 

Hassolía er búin þannig til að lífræn leysiefni eru látin draga kannabínóíða úr hassi eða kannabisplöntunni. Hassolíunni er oft smurt í sígarettubréfið sem vafið er um hassvindlinginn til þess að gera hann sterkari. T

 

HC (delta-9-tetrahydrocannabinoL)

 

THC eða delta-9-tetrahydrocannabinol er virka vímuefnið í kannabisefnum. Hinir kannabínóiðar eru óvirkir eða mjög veikir. Þeir geta þó haft einhver áhrif til þess að minnka eða auka verkun TCH séu þeir til staðar í heilanum. Þó að THC sé eðlilega mjög eftirsótt á hinum ólöglega vímuefnamarkaði vegna hreinleika og styrkleika sést það sjaldan þar. Hitt er ekki óalgengt að önnur vímuefni eru seld sem THC. Magn THC í maríjúana er oftast á bilinu 0,5 - 7 %, í hassi 7-14 %, ganja 6-10% og í hassolíu 15 - 50%.

 

Kannabisfíklar eru oft sprautufíklar

 

75% kannabisfíkla sem koma á Vog eru einnig örvandi vímuefnafíklar. Næstum þriðjungur kannabisfíkla á Vogi hafa sprautað sig í æð. 16,6% var kominn með lifrabólgu C. Kannbisfíkn er ekki eitthvað sætt og skemmtilegt upp úr bíómynd frá Hollywood.

 

Hversu ávanabindandi er kannabis?

 

Íslendingar eru misnæmir fyrir því að verða kannabisfíkn að bráð, eins og aðrir. Í þessu sambandi er rétt að taka fram að ungu fólki er miklu hættara en þeim eldri. Almennar tölur eða hlutföll sem heilbrigðisstofnanir og læknahópar hafa látið fara frá sér eru 1 á móti 9-10. Í þessum tölum er ekki talað um hættuna hjá þeim sem eru undir 20 ára og byrja snemma að nota efnin en þar er hættan augljóslega miklu meiri. Hér á Íslandi geta menn horft á staðreyndirnar og hætt að giska.

 

6,2% af öllum körlum sem fæddir eru 1978 hafa nú þegar komið á Sjúkrahúsið Vog og greinst þar með kannabisfíkn. Sömu tölur fyrir fæðingarárganginn 1981 er 5,8%, 1982 6,8% og fæðingarárganginn 1983 6,5%. Stúlkunum virðist ekki eins hætt og piltunum og 3,7% af stúlkunum sem fæddar eru 1983 hafa komið á Vog og greinst þar með kannabisfíkn og þykir mörgum nóg um.

 

Nú er algeng sú skoðun að efnin séu skaðlítil eða skaðlaus og er slíku viðhorfi haldið við með upplýsingum sem stangast á við nýjustu vísindarannsóknir og þekkingu. Þessar röngu upplýsingar berast ungu fólki í gegnum fjölmiðla, Netið og koma frá þeim sem berjast fyrir auknu frjálsræði varðandi kannabis. Kannabisefni eru einu ólöglegu vímuefnin á Vesturlöndum sem eiga sér aðdáendahóp, “kannabisbullurnar”, sem berjast skipulega fyrir lögleiðingu þeirra.

 

Hvernig er víman?

 

Kannabisplantan hefur að geyma vímuefnið THC (delta-9-tetrahydrocannabinol). Þegar maríjúana er reykt ferðast THC úr lungum inn í æðakerfi líkamans, til heilans og annarra líffæra og veldur ýmsum áhrifum. Vímunni veldur THC með því að breyta heilastarfseminni líkt og önnur vímuefni. Ekki eru nema tæp 20 ár síðan að menn gerðu sér ljóst að THC virkar í gegnum ákveðið boðefnakerfi (innlægt kannabiskerfi) og hefur þannig áhrif á heilann. Menn eru langt frá því að þekkja til hlítar hvaða hlutverki þetta innlæga kannabiskerfi þjónar og hversu víðtæk áhrif kannabisefnanna eru á heilan. Menn vita þó að THC veldur vímu með því að losa dópamín í verðlaunastöð og nota til þess sömu taugaþræði og heróín. THC truflar síðan samhæfingu hreyfinga, minni og ýmsa heilastarfsemi sem lítur að úrvinnslu og ákvörðunartöku. Vandamálin sem skapast eru ekki aðeins bundin við þann tíma sem fíklarnir eru í vímu heldur eru þau viðvarandi allan sólahringinn ef menn nota kannabisefni flesta daga. Þessi truflun á starfseminni er mönnum til mikilla trafala og veldur varanlegri breytingu á hugsun og hegðun. Að öllum líkindum hverfur þessi truflun á nokkrum vikum eftir að neyslu er hætt og ungir fíklar endurheimta aftur getu sína sem þeir hafa verið án mánuðum og árum saman.

 

Hvernig er kannabis notað?

 

Algengasta aðferðin er að reykja kannabis í jónu (joint) eða með pípu. Unga fólkið fær sér einnig í fötu en það er sérstök aðferð við að reykja efnið. Það sem vekur hins vegar miklar áhyggjur varðandi kannabis er að efnið ryður á ýmsan hátt brautina fyrir önnur ólögleg vímuefni eins og LSD, amfetamín og kókaín. Þjóðfélagslega er kannabis að öllu jafnan fyrsta ólöglega vímuefnið sem notað er og neytandinn lærir lögmál vímuefnamarkaðarins þegar hann kaupir sér efnið og kynnist þannig sölumönnum sem seinna selja honum önnur vímuefni. Þannig ryður það brautina félagslega. En kannabisefnin ryðja einnig brautina með því að breyta heilastarfseminni bæði sálfræðilega og líffræðilega. Með daglegri notkun kannabis venjast neytendur á að leysa flest vandamál sín með því að nota vímuefni og það er sá sálfræðilegi grunnur sem önnur ólögleg vímuefnafíkn byggist á. Allt bendir einnig til þess að D2 viðtökum fækki í “nucleus accumbens” í gleðistöð eins og hjá öðrum vímuefnafíklum sem aftur stóreykur hættuna á því að verða örvandi vímuefnafíkill.

 

Kannabisneytendur nota önnur fíkniefni

 

Kannabisneytendur nota oft örvandi efni með kannabis. Þannig notar nær helmingur kannabisfíkla sem koma á Sjúkrahúsið Vog einnig örvandi vímuefni á borð við kókaín og amfetamín. Aðeins 17 % þeirra sem koma Vog og eru yngri en 30 ára nota einungis kannabis. Erfitt er að finna þann Íslending sem ekki hefur prófað kannabisefni eða á sjálfur náinn ættingja eða ástvin sem beðið hefur tjón af kannabisneyslu. Fátt hefur haft jafn víðtækar þjóðfélagsbreytingar í för með sér síðustu 50 árin og nýtilkomin og útbreidd neysla kannabisefna. Tölur frá Sjúkrahúsinu Vogi segja okkur hversu margir leita sér aðstoðar þar vegna kannabisfíknar. Kannabisfíkn er annað en að hafa prófað eða notað kannabisefni. Til að greinast kannabisfíkill á Vogi þarf neysla einstaklingsins að vera stjórnlaus og þá oftast dagleg til þess að uppfylla alþjóðleg greiningarskilyrði fíknar. Auk stjórnleysi í neyslunni þarf einstaklingurinn að vera óvirkur að einhverju eða öllu leiti, það er að segja vegna neyslunnar trassar hann skyldur sínar gagnvart fjölskyldu, vinnu eða námi. Undanfarin 6 ár hafa á milli 600-700 einstaklingar leitað sér hjálpar vegna kannabisfíknar á ári hverju á Sjúkrahúsið Vog, það er um helmingi fleiri en komu á hverju ári 1990-1995.

 

Fjöldi kannabisfíkla á Vogi

 

Á árunum 1995 til 2000 tvöfaldaðist skyndilega fjöldi kannabisfíkla á Vogi. Íslendingar hafa aldrei notað jafn mikið af kannabisefnum og nú. Það líður varla sú vika að kannabisframleiðsla sé ekki stöðvuð og talið er að tugir manns hafi fulla atvinnu af því að framleiða og selja kannabis á Íslandi. Varla líður sú vika að kannabis komist ekki í fréttirnar og undarlegt til þess að hugsa að kannabisefni og kannabisneysla skuli hafa verið óþekkt á Íslandi árið 1967 og enginn ólöglegur vímuefnamarkaður var til. Nú um 50 árum seinna er framleiðsla, innflutningur, dreifing, verslun og neysla þessara efna hluti af hinu daglega lífi Íslendinga.

 

Neyslan í kílóum?

 

Varlegustu áætlanir gera ráð fyrir því að Íslendingar neyti heils tonn af kannabis á ári. Þá má reikna að götuverðið á þeirri neyslu sé nærri þremur og hálfum milljarði. Allt eru það varlega áætlaðar tölur.

 

Skaðsemi kannabis

 

Sýnt hefur verið fram á skaðleg áhrif kannabisefna á líkamann með fjöldamörgum rannsóknum. Má þar meðal annars nefna skaðleg áhrif á kyn og æxlunarfæri, lungu og mótefnakerfi. Einnig benda nýlegar rannsóknir til aukinnar hættu á krabbameini í eistum hjá ungum karlmönnum sem nota kannabisefni.

 

Kannabisefni valda ein og sér alvarlegum fíknisjúkdómi þar sem neytandinn verður líkamlega háður efninu. Í afeitrun fá sjúklingar veruleg fráhvarfseinkenni sem lýsa sér í svefntruflunum, kvíða og óróleika. Fylgikvillar mikillar kannabisneyslu hafa verið þeim læknum sem vinna með þessa sjúklinga vel ljós um langan tíma. Framfarir í frumulífeðlisfræði hafa gert mönnum kleift að skilja betur verkun kannabisefna á heilann. Þekkingin hefur einkum aukist eftir árið 1992. Þessi nýja vísindaþekking rennir enn frekari stoðum undir skilning manna á því að kannabisfíkn sé alvarlegur heilasjúkdómur sem hefur í för með sér slæma fylgikvilla, einkum hjá ungu fólki.

 

Ungt fólk sem notar kannabisefni í óhófi á erfitt eða ómögulegt með að mynda trausta sjálfsmynd og vinna skipulega að markmiðum til lengri og skemmri tíma. Hvort tveggja er grundvöllur góðrar geðheilsu. Stórneytendur kvarta sjálfir undan minnistruflunum og að vitsmunaleg úrvinnsla heilans truflist verulega. Að auki koma fram breytingar á tilfinningum og geðslagi, oft með verulegu þunglyndi.

 

Grein úr SÁÁ blaði 2009 2 tbl.

 

 

 

 

 

cannabis

- 12.10.2009 13:32:36 þessi grein er algjör steypa hjá ykkur eingar heimildir nema tilbúnar frá tkkur

Að geta heimilda

Mig langaði til að staðfesta staðhæfingar ykkar um rannsóknir á skaðsemi kannabisefna þannig að ég tók mig til og leitaði í marga tíma á google og í stærstu rannsóknargagnagrunnum heims en ég fann því miður ekkert sem rennir stoðum undir fullyrðingar ykkar. Hluti af því sem ég fann: "Cannabis Use and Cognitive Decline in Persons under 65 Years of Age" er 12 ára langtímarannsókn á "heimskun" af völdum kannabisefna. Niðurstaða: "There were no significant differences in cognitive decline between heavy users, light users, and nonusers of cannabis" Einnig fann ég eina rannsókn framkvæmda af NIDA um hversu ávanabindandi kannabis er samanborið við aðra vímugjafa. Niðurstöður hennar voru svipaðar læknablaðið Lancet fékk út. Rannsóknin heitir "is nicotine addictive it depends on whose criteria you use." og niðurstöður hennar má finna hér http://leisureguy.files.wordpress.com/2007/08/comparecht.gif Sem þraut ætla ég að leyfa fólki að finna sjálft út hverjar niðurstöður rannsókna á minni fólks sem hafði notað kannabis mörg þúsund sinnum yfir ævina en hætti því í þrjá mánuði voru ;) Ef að þessi texti kemur allur í klassi, myndi einhver vefumsjónarmaður vilja vera svo vænn að entera hann í gang :)
kv. hlutlaus umræða

?

- 12.10.2009 14:17:35 "Kannabisneytendur nota oft örvandi efni með kannabis. Þannig notar nær helmingur kannabisfíkla sem koma á Sjúkrahúsið Vog einnig örvandi vímuefni á borð við kókaín og amfetamín. Aðeins 17 % þeirra sem koma Vog og eru yngri en 30 ára nota einungis kannabis" er þetta ekki bara útaf því að það fer enginn í meðferð útaf kannabis og þessir "kannabisfíklar" eru þarna í meðferð útaf öðrum efnum?
??

Já sææælll

Ég er einn af virðulega fólkinu. Menntaður, góðar tekjur (meira að segja núna) og fjölskyldumaður. Ég þekki til nokkurra (tuga) kannabisneytenda og get sagt að enginn þeirra myndi nota örvandi efni á sama tíma. Ég þekki 1 neytanda harðari efni (kókaín) og sá hinn sami notar ekki kannabis þar sem það gefur honum ekki þá tilfinningu sem hann leitar að. Hinsvegar er þekkt fyrirbrigði að neytendur harðra vímuefna reyni að nota kannabis til að trappa sig niður, þar sem kannabis linar mikið af andlega þætti fráhvarfseinkenna sem og hluta líkamlegra einkenna. Þessi grein er mjög illa skrifuð, vísindalegt gildi er ekkert þar sem ekki er vitnað í neinar heimildir (enda get ég minnt á rannsóknir sem benda sterklega til þess að þetta "gateway effect" sé uppspuni frá rótum) og yfir höfuð léleg vinnubrögð. Ef (minnsta kosti) um eitt tonn af kannabis er notaður á Íslandi árlega þá má leiða líkum að því að kannabisneytendur séu ekki bara einhver neðanjarðar glæpahópur í massífri neyslu, heldur verður að teljast líklegt (líka byggt á öðrum tölum sem landlæknir hefur gefið frá sér) að þeir sem noti efnið séu breiður hópur sem notar lítið magn. Sem vísindamaður með einhverja menntun á sviði taugalíffræði (samt ekki sérhæfður þar) verð ég líka að minnast á að trúverðugustu rannsóknir á virkni kannabis virðast ekki benda til skaða á heila nema með mikilli notkun, og meira að segja þá virðist skaðinn að langmestu leyti afturkræfur ef hætt er. HIN EFNIN hinsvegar (þá sérstaklega kókaín og krakk kókain) valda varanlegum heilaskaða. Kannabis virðist miðað við allar marktækar rannsóknir vera ein öruggasta leiðin sem mannkynið þekkir til að breyta skynjun sinni. Ekki örugtt, en öruggara en flest annað sem hægt er að nálgast. T.a.m. er LD50 (eitrunarskammtur fyrir 50% fólks) fyrir cannabis um 42mg af THC fyrir hvert kíló af líkamsþyngd. Það reiknast út sem rétt um 680 KÍLÓ af maríjúana til að ná eitrunaráhrifum. Þessi 680 kíló þarf að reykja á um 15 mínútum. Að sjálfsögðu er þetta bara gróf áætlun, en sýnir farsan sem er í gangi. Á sama tíma og rannsóknir hafa sýnt (þvert á væntingar) að cannabisreykingar geti minnkað líkur á lungnakrabba (og krabba almennt), lækkað blóðþrýsting, minnkað líkur á gláku og virkað sem verkjalyf fyrir þá sem morfín er hætt að virka á (með mun minni aukaverkunum heldur en morfínið hafði) þá er ennþá í gangi hræðsluáróður byggður á slæmri hegðun nokkurra einstaklinga sem sýna fíklahegðun gagnvart flestu sem þeir gera (áfengi, kannabis, örvandi efni, slævandi efni, verkjalyf, trú, sígarettur, kaffi o.s.frv. Hver þekkir ekki "fyrrverandi" eða "óvirka" fíkilinn sem skiptir bara um fíkn í stað þess að díla við sín innri vandamál?) Ef þetta myndi gilda annarsstaðar í þjóðfélaginu væri stór hætta á að fótbolti og félagsmiðstöðvar yrðu bæðu bönnuð þar sem stöku vitleysingar geta ekki hagað sér. Er það skynsamlegt? Sanngjarnt? Ég kem ekki fram undir nafni hér þar sem ég viðurkenni hér í lokinn að hafa notað kannabis síðustu 20 árin, eða síðan ég var 18 ára. Sum ár nota ég ekkert, sum ár nota ég 1-2 grömm (5-10 jónur). Mig langar ekki í meira, þetta er ágætt í góðra vina hóp, eða jafnvel bara að kvöldi einsamall sér í lagi ef bakið er til leiðinda. Vellíðunin er alveg sérstök og upplyftandi og getur haft jákvæð áhrif á skapferli og svefn í nokkra daga eftir að reykja hálfa til eina jónu. Svona er kannabis ef það er notað utan fíklasamfélagsins. Kannski vert að minnast að um 10% kannabisnotenda verða háðir, um 22%áfengisneytenda verða háðir, um 30% tóbaks og heróínneytenda verða háðir. Einn ofskammtur af öllum þessara efna utan kannabis geta leitt til dauða.
Nafnlaus vegna smá játningar.

Gott Svar

- 12.10.2009 15:51:47 Frábært svar ( ? )...
Annar af *virðulega fókinu* með sama álit á kannabis

Athigli verð grein.

Þetta er nú meira ruglið. mikið af þessum staðhæfingum eru órökfærðar og villandi sem og stangast á við vísindalegar rannsóknir undanfarin ár. Annað er hinns vegar vandað og rökfært hvað varðar gerð plöntunar og notagildi hennar. The Gateway theory er það sem kallast þegar fólk bendir á kannabis eða önnur efni og segir að það leiði til annara, að mínu mati er það sami "vilji" sem fær fólk til að prófa/birja að neita annara vímugjafa sá hinn sami og fékk það til að nota það fyrsta. Annars getum við líka sagt að drengur sem birjar að drekka áfengi fari út í kannabis vegna áfeingis, eða að drengur sem birjar að reykja sígarettur fari út í áfengi að völdum tóbaks. þetta er fráleitt. "There is no conclusive evidence that the drug effects of marijuana are causally linked to the subsequent abuse of other illicit drugs." Source: Janet E. Joy, Stanley J. Watson, Jr., and John A Benson, Jr., "Marijuana and Medicine: Assessing the Science Base," Division of Neuroscience and Behavioral Research, Institute of Medicine (Washington, DC: National Academy Press, 1999). Hinns vegar er það rétt að fólk eigi auðveldara með að sannfæra sig að prófa önnur efni ef það hefur reykt kannabis en það er annar sökudólgur þar að baki. Til dæmis er það sama fólkið sem selur oft fleira en kannabis, því já maður þarf að vera dópsali og afbrotamaður til að selja kannabis, sem og það er ólöglegt að reykja það fær fólk til að lítilslæka lögin þegar kemur að slíkum efnum. Einnig er forvarnar-starf oft fullt af upphífðum áróðri í stað fræðslu og þar að leiðandi fær fólk til að hugsa hvað fleira skildi vera búið að ljúga/mislead-a sér. Kannabisfíklar eru oft sprautufíklar "75% kannabisfíkla sem koma á Vog eru einnig örvandi vímuefnafíklar. Næstum þriðjungur kannabisfíkla á Vogi hafa sprautað sig í æð. 16,6% var kominn með lifrabólgu C. Kannbisfíkn er ekki eitthvað sætt og skemmtilegt upp úr bíómynd frá Hollywood." Þetta er ekki virði þess að lesa og hefur í sjálfum sér ekkert með kannabisfíkn að gera, ef ég segist vera kannabisfíkill og sprauta mig, þá er meira að heldur en ég sé fíkill í kannabis. Ef þetta skilst ekki þá get ég ekki útskýrt þetta betur. PS. Er hægt að fá lifrabólgu af því að reykja kannabisefni? Ég vil líka bæta því við að sumt fólk getur ekki haft stjórn á sér sökum fíknar og þekki ég slíkt fólk (þá er ég ekki síður að tala um lögleg efni) en það þíðir ekki að allir hafi ekki stjórn á sér og geti haldið neyslu sinni í hófi eins og siðmentað fólk meðhöndlar áfengi, sem er eitt misnotaðasta fíkniefnið í dag. Það að vera með lirfabólgu er alvarlegt mál og er ég ekki að gera lítið úr því með skriftum mínum heldur heildar meinungu þessa texta-brots sem ég tók út.
Máni Snær Larsen

Lygar og fordómar.

- 12.10.2009 17:19:08 Ef þið viljið að fólk taki ykkur alvarlega þá er skammarlegt af ykkur að skrifa svona pistla, uppfulla af rugli. Notist heldur við staðreyndir.
Miniar

Hættið að ljúga að fólki

er ekki komin tími á fræðslu í staðinn fyrir þessa endalausu lyga í ykkur

cannabis?

- 12.10.2009 22:07:13 hvernig getur kannabis aukið hættu á krabbameini ef það eru engin geislavirk efni í grasinu. meina þetta er bara planta... sígarettur geta valdið krabbameini útaf því að það er notað geislavirkann áburð á tóbaksplönturnar. en ekki gras. svo ef þetta myndi auka hættu á krabbameini þá myndi enginn í hollandi né kaliforniu nota þetta sem læknilega plöntu. svo sá ég líka heimildarmynd þar sem maður með húðkrabbamein notaði kannabis til að lækna húðkrabbameinið.

2000 efni myass. það eru ekki einusinni það mörg í sígarettunni. hvernig ætti þá að finnast í einni einfaldri plöntu. kjaftæði. 60 sem finnast ekki á jörðinni?.??????? ÞETTA VEX Á JÖRÐINNI

Mis eru góð svörin

- 12.10.2009 23:46:04 Það er alveg ótrúlegt hvað er hægt að skemma mikið þau innlegg sem mjög góð eru með þvaðri um geislavirkni og eitthvað.
Hugsandi maður

Correlation =/= causation

Þetta er gömul tugga en hún á vel við hér. Þið setjið fram tölfræðina: "75% kannabisfíkla sem koma á Vog eru einnig örvandi vímuefnafíklar. " en þetta mætti alveg eins skrifa sem: "75% örvandi vímuefnafikla sem koma á Vog eru einnig kannabisfíklar." Það að 75% af einhverjum skilgreindum hópi noti bæði kannabis og örvandi efni segir ekkert um hvorn hópinn fyrir sig. Það er ógjörningur að staðhæfa að kannabisneytendur séu líklegri til að nota örvandi efni, því tengingin gæti verið í öfuga átt. Fylgni á milli þessara efna þarf ekki að sýna að annað efni ýti undir notkun á hinu. Til að taka einfalt dæmi get ég sagt: 95% allra á Íslendinga á aldrinum 16-25 ára eiga farsíma. Það þarf ekki að þýða að 95% allra farsímaeigenda séu á aldrinum 16-25 ára. Ég held að flestir sjái gallann í þessari tölfræði.
Valdemar Erlingsson

Alþjóðleg greiningarskilyrði fíknar

- 13.10.2009 09:13:12 Til að greinast kannabisfíkill á Vogi þarf neysla einstaklingsins að vera stjórnlaus og þá oftast dagleg til þess að uppfylla alþjóðleg greiningarskilyrði fíknar. Slíkur sjúklingur er kallaður kannabisfíkill þó hann noti önnur vímuefni ef það er er í minna mæli. Vandi hans væri því fyrst og fremst kannabisfíkn. Á sama hátt getur sjúklingur fengið áfengisfíkn sem fyrstu greiningu þó sami einstaklingur noti önnur vímuefni. Menn þurfa að skilja að hér er notast við alþjóðleg greiningarskilyrði fíknar. Það þjónar engum tilgangi fyrir SÁÁ að víxla greiningum eða notast við heimaræktuð greiningarskilyrði svo hægt sé að blekkja fólk. Ef sagt er að 6-700 kannabisfíklar komi í meðferð á Vog á hverju ári þá er það einfaldlega þannig.
Arnþór

pólitískur áróður styrktur með skattgreiðslum almennings

wow. þetta er hreinlega ótrúlega einhliða grein! þið ættuð að skammast ykkar! Reynið að tengja kannabis við heróín með því að segja að þau noti sömu taugaþræði... dópamín líkamanns notar sömu taugaþræði. Segið að efnið ryðji á ýmsan hátt brautina fyrir sterkari efnum (mjög svo villandi staðhæfining sem eru í raun mun frekar rök fyrir lögleiðingu!). Staðhæfið skaðsemi á líkamann á þess að geta vitnað í eina megindlega rannsókn. Þið talið um skaðsemi með orðum eins on "benda til" en getið ekki fyllilega staðhæft neitt! Eruð þið með eina rannsókn sem sýnir fram á að kannabis sé EKKI skaðlítið í samanburði við önnur efni sem hafa áhrifa á heilastarfsemi og líkama? Eina rannsókn? Ég get bent á hundruði rannsókna sem sýna að það er skaðlítið í samanburði við sambærileg efni. Talið við landlækni til dæmis. Fyrir utan það að mannréttindasáttmálinn segir að stjórnvöld megi ekki mismuna hópum samfélagsins á álitlegum forsendum og að lög verði að fylgja vísindalegum skilningi - þar sem stjórnvöld þvinga mig til að velja á milli vímugjafa sem eru skaðlegri en það sem ég gæti ræktað í glugganum heima hjá mér, þá er þetta klárlega brot á mínum rétti (self-determination). þá ætti eina spurningin að vera: væri það þjóðfélagslega hagkvæmt að lögleiða framleiðslu og sölu á kannabis með tilheyrandi munaðarvöruskatti? Svarið er án nokkurs vafa: JÁ! p.s- endilega kynnið ykkur staðreyndir í málinu! kynnið ykkur söguna á bakvið lögbann og lesið rannsóknir sérfræðinga. Skrif ykkar benda til þess að um fordóma sé að ræða og/eða pólitískan óróður á kostnað skattgreiðenda.
Staðreyndir or rökhugsun

Maður er næstuim hættur að nenna

- 13.10.2009 19:05:36 Að svara vitleysinu í ykkur, þið vitið jafn vel og við hvað þarf að gera til að útrýma "ólöglegum" markaði kannabis á íslandi LÖGLEIÐA !!!!!!!
Hjálmar

Eiði ekki orðum í svona bull!

BARA bull.
Hugsandi menntaður maður.

- 14.10.2009 17:24:07 Það kemur ekki nærri því sona svartur reykur af þeim kannabisafurðum sem ég hef kveikt íþ

Mér líður hálfilla í sálinni

...Þegar að ég sé að það eru ekki til betri "áróðursbullur" en þið lengur. Það lætur mér líða illa fyrir hönd hópsins sem að reynir á málefnanlegan hátt að verja bannið, að sjá svona rugl eins og er í ykkur. Það að þið reynið að láta málefnalegt fólk hljóma eins og hálfvita með því að nota orð eins og “kannabisbullurnar” er einfaldlega grátlegt og gætuð þið allt eins verið niðrí Elliðaárdal núna að grafa holu fyrir málsstað ykkar ef að þið ætlið að halda áfram svona. Og Arnþór: "Það þjónar engum tilgangi fyrir SÁÁ að víxla greiningum eða notast við heimaræktuð greiningarskilyrði svo hægt sé að blekkja fólk." Nú? Þjónar það alltíeinu ekki hagsmunum SÁÁ að beita hræðsluáróðri, blekkingum, villandi tölfræði og rógburð til að halda stöðu sinni og fjármagni?
Helgi

úr viðjum vímunnar

- 18.10.2009 18:25:43 Helgi! Það er sami fjöldi sjúklinga. SÁÁ fær ekkert meiri fjármuni fyrir kannabisfíkla en aðra sjúklinga. Og menn ættu að hafa í huga enginn er skikkaður í meðferð. Fólk sækir um það sjálfviljugt. Greiningin á vanda þeirra sem koma á Vog er læknisfræðileg og samkvæmt alþjóðastöðlum. Sá sem greinist með kannbisfíkn sem aðalvanda er einstaklingur sem er búinn að reykja mjög mikið. Hann hefur samt sem áður góðar líkur á að ná bata og losna úr viðjum vímunnar.
Arnþór

Lykilorðið þarna er...

...MEIRI "Nú er algeng sú skoðun að efnin séu skaðlítil eða skaðlaus og er slíku viðhorfi haldið við með upplýsingum sem stangast á við nýjustu vísindarannsóknir og þekkingu" Svona fyrst að þú svarar athugasemdum hérna þætti mér vænt um að fá slóðir á einhverjar af þessum rannsóknum sem að sýna fram á að kannabis sé skaðmikið efni. Og það að þú VOGIR ÞÉR(Fattarðu? VOG) að segja að “kannabisbullurnar” beri frá sér RANGAR UPPLÝSINGAR UM SKAÐSEMI EFNANNA er EKKERT annað en rógburður. Og einnig mjög asnaleg leið til að reyna að láta "hina hliðina" koma asnalega út.
Helgi

Lykilorðið þarna er...

- 18.10.2009 20:01:56 ...MEIRI "Nú er algeng sú skoðun að efnin séu skaðlítil eða skaðlaus og er slíku viðhorfi haldið við með upplýsingum sem stangast á við nýjustu vísindarannsóknir og þekkingu" Svona fyrst að þú svarar athugasemdum hérna þætti mér vænt um að fá slóðir á einhverjar af þessum rannsóknum sem að sýna fram á að kannabis sé skaðmikið efni. Og það að þú VOGIR ÞÉR(Fattarðu? VOG) að segja að “kannabisbullurnar” beri frá sér RANGAR UPPLÝSINGAR UM SKAÐSEMI EFNANNA er EKKERT annað en rógburður. Og einnig mjög asnaleg leið til að reyna að láta "hina hliðina" koma asnalega út.
Helgi

Hvar er samsærið?

Ég á soldið erfitt með að skilja þig Helgi. Ertu með góða samsæriskenningu? Rannsóknir á skaðsemi kannabisneyslu eru fjölmargar. Þar ber allt að sama brunni. Ungmenni ánetjast helst efninu og vímunni og fjölmargir lenda í daglegri neyslu. En það er einmitt hin milda víma sem gerir það að verkum að þetta unga fólk notar efnið í miklu magni, jafnvel daglega og oft á dag, langtímum saman. Þetta fólk kemur svo óbeðið inn á Vog, í stórum stíl, til að leita sér hjálpar. Það er staðreynd en ekki ímyndun.
Arnþór

Ég er með klikkað góða samsæriskenningu.

- 19.10.2009 14:23:52 En hún tengist kannabis ekki neitt. Ég er einfaldlega að biðja um slóð á einhverja rannsókn, bara einhverja rannsókn sem að sýnir fram á það að kannabis sé skaðmikið efni, umfram það að það sé óhollt að anda að sér reyk, þar sem að þú virðist vilja meina að það sé það. Og það er að hluta til að mínu mati ykkur og stofnunum líkum ykkur að ungmennin eru að ánetjast, þegar að þið bjóðið uppá hræðsluáróður en ekki fræðsluáróður.
Helgi

Byrja hér

Það er ágætt að byrja á því að fletta í gegnum þennan bækling hjá NIDA. Hann fjallar um hvernig öll vímuefni hafa neikvæð áhrif á heilann okkar, sjá http://www.drugabuse.gov/scienceofaddiction/
Arnþór

Sæll Arnþór

- 20.10.2009 02:26:38 við erum semsagt sammála um að börn og unglingar eigi alls ekki að komast nálægt kannabisefnum,er það ekki?þá hljótum við að vera sammála um að taka kannabisefnið af sölumönnum í sem spyrja ekki um aldur og græða pening fyrir hörðum efnum sem þeir selja svo börnum okkar með allskonar drasli í???????????,er ekki kominn tími á breytta starfshætti og vinna með nútíma vísindi.ekki Þórarinn Tyrfingsson vísindi,,,við myndum öll skilja það,. og svaraðu því
Daði freyr kristjánssonn

Sæll Daði

Sama gildir fyrir þig Daði. Byrja á að lesa um nútímavísindi í þessum bæklingi, sjá http://www.drugabuse.gov/scienceofaddiction/
Arnþór

sæll Arnþór

- 20.10.2009 11:04:48 svaraðu spurninguni.
Daði freyr kristjánssonn

Spurningunni..

..er svarað í bæklingnum Daði.
Arnþór

Þessi bæklingur er frá Bandarískri alríkisstofnun - pólitískt þvæla sem á ekkert skylt við vísindi!

- 23.10.2009 03:17:06 NIDA er bandarísk ríkisstofnun - ekki beint hlutlaus. NIDA hefur einkarétt í bandaríkjunum á að veita sjúklingum kannabis. Veitir aðeins örfáum einstaklingum jurtina löglega. NIDA er eini aðilinn í bandaríkjunum sem ræktar kannabis löglega (samkvæmt alríkislögum - Þrettán ríki leyfa þó ræktun til lækninga) NIDA er pólitísk stofnun sem hindrar eftir fremsta megni rannsóknir á kannabis jurtinni. Enda stangast flestar niðurstöður á við þeirra. "Kannabisefni eru ekki hrein efni heldur efnablanda yfir 400 efna" Ekki hrein efni? Hvaða jurtir eru hrein efni??? Er þá verið að meina nauðsynlegar fitu- og amínósýrur? Prótein?? Omega-3 eða Omega-6? http://www.globalhemp.com/Archives/Essays/Hempseed/hempseed1.html "Rúmlega 60 þessara efna finnast hvergi á jörðinni nema í kannabisplöntunni og eru nefnd kannabínóíðar." Þannig að kannabínóíðar finnast ekki í tauga- og ónæmiskerfi manna og dýra? Eða fæðumst við kannski ekki með kannabínóíða-móttakara?(innlægt kannabiskerfi) http://en.wikipedia.org/wiki/Cannabinoids Sorglegt að samtök eins og SÁÁ standi í þessum ofsóknum. Landlæknir verður að grípa aftur í taumana svo þessi áróður verði ekki útbreiddari. Fíkn er alvarlegt heilbrigðisvandamál sem verður aðeins tekið á með heiðarleika, ekki lygum og rangfærslum.
Árni

Um samsærið mikla og hreinleika efna

Það er merkilegt að kannabisbullarar skuli vita að hámenntaðir læknar og vísindamenn frá öllum heimshornum gangi erinda hinnar illræmdu stofnunnar NIDA og ljúgi kerfisbundið að fólki. Um hreinleika efna má segja að í lyfjalögum gilda alþjóðlegir staðlar um hreinleika efna sem þarf að uppfylla svo hægt sé að tala um lyf og lækningar. Kannabis mun aldrei uppfylla þessi skilyrði. Það er ekki prívat skoðun lækna SÁÁ heldur einföld staðreynd sem þarf að hafa í huga. Árni! Vefurinn sem þú vísar á hefur ekki verið uppfærður frá september 2005. Eru þeir hjá GlobalHemp kannski komnir að endimörkum þekkingar sinnar strax árið 2005?
Arnþór

skák

- 23.10.2009 13:18:40 hvaða rugl er þetta með hreinleika efna? kannabis hefur viðurkennda eiginleika sem gerir það að besta mögulega lyfinu fyrir marga sjúklinga. Það er óþarfi að þræta um einhver detail eins og þessi... þetta kemur málefninu ekkert við. Arnþór, það geta allir viðurkennt að óhófleg neysla á kannabis getur haft slæm áhrif á félagslegt eðli einstakling og drifkraft, en þetta er ekki algilt fyrir alla. Það eru einhverjar undirliggjandi breytur sem virðast ráða því hvernig kannabis fer með notendur sína. Draga aðeins úr alhæfingum... Umfjöllun SÁÁ er ekki til að styrkja þeirra málstað. En.. ok. Þið eruð sannfærð um skaðsemi kannabisneyslu ... Arnþór, svaraðu þessu: Teljið þið að hægt sé að koma í veg fyrir eftirspurn kannabi? Eru þið sannfærð um að lögbannið á kannabis skili meintum árangri? Trúir þú því að bannir geri meira gott heldur en slæmt fyrir samfélagið? Getur verið að bannið sjálft ýti undir meiri hættu en þörf væri á? Ef ekki væri lögbann kannabis, þá gætu þeir sem sækja í efnið orðið sér út um búnað sem hreinsar reykinn eða hitar grasið að því hitastigi sem losar THC án þess þó að brenna allt efnið (volcano). Þar sem þetta er bannað, þá reyna notendur kannski að losa sig við þetta fljótt eða neyta efnanna á skjótan máta með því að reykja efnið. Hinsvegar er hægt að baka ýmislegt með kannabis og njóta þannig áhrifa THC... þessi leið hefur ekki nein skaðleg áhrif á líkama fólks. Arnþór, telur þú að þeir skattpeningar sem fara í gæslu, dómsmeðferð, fangelsi, eftirlit, rannsóknir, etc. sé vel með farið fé? Er ráðlegt að nota almanna fé til að fangelsa fólk sem skaðar ekki neinn, heldur reykir einhverja plöntu í sófanum heima hjá sér á meðan hann spila PS3? Telur þú að þær skatttekjur sem mögulega er hægt að hafa upp úr markaðinum með kannabis gæti fjármagnað alla löggæslu á íslandi og hjálpað til við að herja á aukningu í innbrotum, mannsali, vændi og sölu sterkra bannaðra efna? Endilega svara þessu með löngu svari... Heldur þú að félag garðyrkjubænda sem kvartar undan minnkandi eftispurn á sínum vörum sem og því að verið sé að stela ljóslömpum væri ekki ánægt með lögleiðingu? þeir gætu annast framleiðslu fyrir ríkið... auknar tekjur, aukin atvinna, minni þjófnaður, minni kostnaður í eftirlit. Arnþór, telur þú það ekki brot á mannréttindum að leyfa/selja tóbak og áfengi, en banna kannabis? meðvitaður um það að leyfðu efnin eru mun hættulegri en það sem bannað er? Telur þú að lögin fylgi vísindalegum skilningi og sýni fram á samræmi í rökum fyrir lögum? Spurningin ætti að vera: er þjóðfélagslega hagkvæmt að lögleiða kannabis og skattleggja neyslu þess með háum munaðarskatti líkt og áfengi? SVARAÐU ÞESSU ARNÞÓR!
og mát

SÁÁ og heilbrigðisvandinn

Það er nú oft þannig að þegar manni er mikið niðri fyrir þá böglast allt útúr manni í belg og biðu og engin nennir að hlusta, enda ljóst að rembingurinn kemur þá allur út um munninn án viðkomu í nauðsynlegum heilastöðvum. Hafðu það í huga næst þegar þú vilt láta taka mark á þér, litli Kasparov. SÁÁ hefur ekkert með löggjafarvald og dómskerfið að gera og enn síður hvernig lögregla vinnur sína vinnu. Það er samt óhætt að segja að mörgum þykja dómar fyrir hassneyslu vera furðulega strangir og blóðugt að sjá ungt fólk lenda utan gátta í samfélaginu vegna smávægilegra yfirsjóna. SÁÁ er einmitt brautryðjandinn sem vill meðhöndla þennan vanda sem heilbrigðisvanda fyrst og fremst, sem auk þess hefði minnstan kostnað í för með sér fyrir samfélagið. Sá sem vill láta SÁÁ svara fyrir dóma, fangelsun og jafnvel stolna ljósalampa, er heimaskítsmát.
Arnþór

bobby

- 27.10.2009 08:56:34 Arnþór, þetta er samfélagslegt málefni sem nær langt út fyrir verkasvið SÁÁ. Vissulega væri rétt að íhuga þessi ágreiningsmál og vandamálin sem eru bein afleiðing þess í ljósi heildarmyndarinnar. Skákmaðurinn er að benda á mikilvægar spurningar sem einfaldlega verður að taka inní reikninginn þegar verið er að ræða málefnin með kannabis. Þetta er ekki vettvangurinn til að skrifa mastersritgerðina og því væntanlega erfitt að ná á framfæri öllum þessum punktum hans/hennar án þess að það komi út á þennan máta. Þú ert að gagnrýna hvernig skákmaðurinn segir hlutina, ekki hvað þar stendur. Þú kannski sérð ekki skóginn útaf þessum einstöku trjám fyrir fram þig?
fisher

..að útrýma vanþekkingu og fordómum

SÁÁ sinnir heilbrigðisþjónustu og rekur einnig félagsleg úrræði fyrir fólk sem leitar til SÁÁ með sín vandmál. Umrædd vandmál eru afleiðingar af neyslu vímuefna. Mörg hundruð ungmenni leita til SÁÁ á hverju ári vegna stjórnlausrar kannabisneyslu. Það er staðreynd sem þarf að ræða án fordóma. Það getur vel verið að einhversstaðar sé til fólk sem getur notað kannabis án þess að lenda í vandmálum. Það breytir hins vegar engu fyrir hina fjölmörgu sem lenda í stjórnlausri neyslu og leita eftir hjálp. SÁÁ axlar sína samfélagslegu ábyrgð með því að taka á móti þessu veika fólki. Draumurinn er að útrýma vanþekkingu og fordómum gagnvart þessum vanda og hafa áhrif á almenningsálitið með fræðslu um eðli sjúkdómsins alkóhólisma.
Arnþór

...

- 27.10.2009 20:33:15 Mér líður illa við að horfa letrið sem að þú lætur frá þér. "Umrædd vandamál eru afleiðingar af neyslu vímuefna" Umrædd vandamál eru afleiðingar fylgifiska neyslu vímuefna í núverandi lagaástandi, þessu mætti auðveldlega breyta með aðferðum okkar "kannabisbullana". "SÁÁ axlar sína samfélagslegu ábyrgð með því að taka á móti þessu veika fólki." Það sama og fyrir ofan nema með viðbætingu: Hvernig getiði, hvernig GETIÐI sagt að þið hjálpið veiku fólki þegar að á sama tíma og að þið komið með skammtímalausnir eins og meðferðir berjist þið á móti breytingum sem að gætu fækkað veika fólkinu til langtíma og þ.a.l. meðferðunum með því að koma í veg fyrir að það gerist 'veikt' í fyrsta lagi? "Draumurinn er að útrýma vanþekkingu og fordómum gagnvart þessum vanda" Á sama tíma og að þú talar um að útrýma vanþekkingu og fordómum geristu samt svo þröngsýnn að vilja ekki hverfa frá núverandi "lausnum" og aðferðum sem að hafa skilað ÓTELJANDI ósigrum í gegnum tíðina í ÖLLUM löndum sem að hafa reynt þær? Er það ekki stór hluti læknisfræðinnar sem að þú heldur ó svo kært um að hverfa frá aðferðum sem að virka ekki og innlima þær sem að gera það? Er það ekki grundvallarprinsipp allra samfélaga sem að geta virkað?
Helgi

Lög og læknisfræði - ekki það sama

Fjöldi fólks verður veikur vegna kannabisneyslu. Sú staðreynd er með öllu ótengd lagaumhverfi. Rétt eins og margir verða veikir vegna áfengisneyslu og sú staðreynd er með öllu ótengd lagaumhverfi.
Arnþór

- 28.10.2009 01:00:05 Vá, þú með sanni ávarpaðir allt sem að ég sagði. Eða sástu kannski ekki allt innleggið vegna þessara þröngsýnu augna þinna? Ef að þú sérð hinsvegar ekki tenginguna, eða restina af innlegginu, þá bið ég þig góðs lífs og kveð.
Helgi

Ekki fara..

“Hvernig getiði, hvernig GETIÐI sagt að þið hjálpið veiku fólki þegar að á sama tíma og að þið komið með skammtímalausnir eins og meðferðir berjist þið á móti breytingum sem að gætu fækkað veika fólkinu til langtíma og þ.a.l. meðferðunum með því að koma í veg fyrir að það gerist 'veikt' í fyrsta lagi?” Þetta sá ég Helgi, en get ekki með nokkru móti skilið hvað þú ert að fara. Hvaða breytingum er SÁÁ að berjast á móti?
Arnþór

Réttlæti ekki ranglæti!

- 28.10.2009 11:09:08 Ok. Of oft er verið að setja setja samasem merki þar sem það á ekki við. fíkn er ekki það sama og neysla. Ekki allir þeir sem neyta upplifa fíknina. Einnig er það tvennt ólíkt að fyrirbyggja fíkn og það að veita þeim aðstoð sem berjast við fíkn. Sumir ánetjast neyslunni á efninu kannabis. Kannabis efnið er hlutfallslega ólíklegra til að leiða út í "fíkn" heldur en flestir aðrir vímugjafar og örfandi efni. Oftar en ekki er kannabis metið sem jafn líklegt og koffín og súkkulaði. Ástæður fyrir því að fólk leiðist út í fíknina er sjaldnar en ekki kannabis efninu að kenna, heldur þá notandanum sem hefur tilhneigingu til að ánetjast. Þessi tilhneiging einstaklinga getur verið orsök nátturulegrar samsetningar einstaklings og heilaboða þess einstaklings eða verið orsök samfélagslegrar upplifunar (nature and nurture). Ja eða samsetning af þessu... biologically eru sumur líklegri til að ánetjast (ekki bara kannabis) og að sama skapi þá mótar samfélagið og uppbygging þess neyslu venjur og löngun þegna sinna. Þar sem lítið hlutfall neytenda enda í fíkn, þá verður að draga þá áliktun að efnið sjálft sé ekki einhliða að leiða til þess að fólk ánetjist. Skilja verður undirliggjandi áhrif sem olli því að þessi ákveðni hópur fólks endaði í óstjórnlegri þörf/neyslu. SÁÁ ætti að reyna að skilja hvað greinir fíkilinn frá öðrum þeim sem nota sama efni, en ekki að vera með órökstuddar staðhæfingar um hættuna á efnasambandi kannabis. Fíklarnir eru sjúklingar sem þarf að greina og lækna... SÁÁ á ekki að greina efnin sem fíklar neyta eða alhæfa um virkni þeirra á fólk. Til að veita skilvirka forvörn hvað kannabis varðar, þá verður að skilja hvaða eiginleika það fólk hefur sem líklegra er til að ánetjast einhverjum neysluvörum/efnum. Það að banna neyslu með lögum er einhver sú al heimskasta leið sem mögulega hefði verið hægt að fara... enda voru rökin fyrir banninu byggð á fordómum og pólitískri henntusemi. Þessi grein frá SÁÁ er ekki um greiningu fíkla, heldur efnið kannabis. Greinin er pólitískur áróður sem notast við fáránleg rök og staðhæfingar... og það sem verra er að skrif ykkar eru fjármögnuð með skattpeningum almennings. Know your role! Lögbannið á kannabis er að valda mun meiri skaða og kostnaði fyrir samfélagið, heldur en ef neysluvaran væri lögleidd og skattlögð. Einhverjir kunna að berjast fyrir lögleiðingu svo að þeir geti reykt sitt gras í friði, en við erum held ég fleiri sem skiljum það að lögleiðing þýðir betra samfélag fyrir alla. Afhverju ekki að prófa að lögleiða og greina afleiðingar þess... bera það svo saman við stöðuna eins og hún var fyrir lögleiðingu? hvaða vitleysa er þetta?
skiluru?

"Hvaða breytingum er SÁÁ að berjast á móti?" Ég... ég get þetta ekki... guð minn almáttugur...
Helgi

Helgi og guð almáttugur

- 31.10.2009 16:28:33 Helgi! Þú skrifar "á sama tíma og að þið komið með skammtímalausnir eins og meðferðir berjist þið á móti breytingum sem að gætu fækkað veika fólkinu til langtíma .." Hvað breytingum er SÁÁ að berjast á móti?
Arnþór

Rick Simpson

Google Rick Simpson. Cannabis hefur hjálpað mér mikið í baráttunni við þunglyndi en ég verð að passa mig að taka það inn í passlegum skömmtum. Það fer ekki vel í mig að reykja daglega, það er of mikið. 1-2 í viku er passlegt en það tók mig langan tíma að finna minn rétta skammt. Ef ég hefði fengið fræðslu en ekki þurft að finna útúr þessu sjálfur þá hefði það nú sennilega ekki tekið langan tíma. Þessi planta er náttúrulega bara ólögleg vegna þess að hin illu lyfjafyrirtæki geta ekki pantentað hana. Og ekki vilja þeir að fólk fara að nota kannabis og losni við lyfin frá þeim.
Ingólfur

Passlegir skammtar af meðferð

- 3.11.2009 12:13:30 Ingólfur! Þegar þú tiltekur dæmi um fullorðinn mann sem segist nota kannabis sér að meinalausu 1-2 í viku, þá segir það ekkert um ungmenni sem nota kannabis daglega, en SÁÁ tekur á móti slíkum fíklum í stórum stíl. Sú staðreynd hefur heldur ekkert með lög um ávana- og fíkniefni að gera, enda tekur SÁÁ einnig á móti áfengisfíklum í stórum stíl.
Arnþór

Við tækifæri.

Þú/samtökin þín eruð semsagt ekki á móti núverandi stöðu kannabis og annara (nú) ólögleglegra VÍMUefna? Þín dæmi, misnotaða tölfræði og fíklar eru mín rök. Þessi aðferð(blátt bann) virkar nefnilega ekki, og það að þú kallir jarðbundið fólk sem að gerir sér grein fyrir því "kannabisbullur" grætir mig. Og til að svara "Hvað breytingum er SÁÁ að berjast á móti?", þá eruð þið augljóslega að berjast á móti "kannabisBULLUM", annars hefðirðu ekki gefið þeim þetta viðurnefni er það?
Helgi

Munurinn á misnotkun og hófi, hverjum er verið að mismuna?

- 15.12.2009 21:47:37 Arnþór þegar talað er um slæm eða skemmandi áhrif kannabisefna á heilsu líkama og sálar er nánast alltaf verið að tala um misnotkun efnisins í mikklum mæli og þá sérstaklega við ungan aldur. Skaðsemi þess að misnota vímuefni ætla ég að vona að einginn lítilslækki. Vímuefni eru mörg og mis skaðsöm, þessu er ekki neitandi, eins og td. áfengi(svo eitt sé nefnt af þeim minna skaðsömu) en getur verið skaðlegt á margan hátt, andlega og líkamlega, ef einstaklingur misnotar vímugjafan. þíðir þetta að sala og dreifing áfengis eigi að vera bönnuð og að öllu leiti í höndum afbrotamanna? prófaðu að skifta út orðinu "áfeingi" í orðið "kannabis" hér fyrir ofan, hvernig breitir það áliti þínu á því sem ég skrifaði. Ég tel mig ekki vera áfengisbullu frekar en kannabisbullu(hvað svo sem skilgreining þessara orða er annað en fórdóma-slangur)en ég tel að áfengi og kannabisefni eigi að vera lögleg. Tvær persónulegar ástæður, verið fráls að gagnrýna þessar skoðanir. Nr.1 margir nota kannabis í hófi og hef ég verið meðal þeirra og getað gert það án þess að líf mitt hafi fari í vaskinn og fengið alvarlegar geðtruflanir og svo framvegis(þegar ég srkifa í hófi meina ég 3-4 jónur mestalagi á viku og þarf ekki endilega að vera hverja viku), en hef misst laungun og getu vegna ofurverðs(minnir að eitt gramm kosti 5000kr og fæstir selji fleiri en eitt í einu og í lélegri gæðum en áður). Ég trúi því að fleiri geti þetta en ég og ekki allir eigi að hljóta refsingar fárra sem ekki kunna sér hóf. Nr.2 Við lögleiðingu tökum við mikkla gróðastarfsemi úr höndum glæpamanna og getum jafnveg skattlagt ágóðann, sett berti aldursramma við dreifingu þeirra og fengið betri "menningu" þeirra varðandi og fengið fræslu um skaðsemi MISNOTKUNAR vímuefna í stað hræðslubulli og lygum sem felast í fordómafræslu nútímans.
Máni Snær Larsen

"eitt gramm kosti 5000kr og fæstir selji fleiri en eitt í einu og í lélegri gæðum en áður)" Fæstir skiptist út fyrir flestir.

haltu kjaaadi

- 27.1.2010 12:47:20 aattu kjaaadi
adddu kjaaaaaaaaaaaaadi

dxJfFZopqZwidwBJ

I'm impressed! You've managed the alosmt impossible.
VGixOIxef

pmtcGSXbkBGCsuW

- 29.11.2011 19:25:42 LV4oHn , [url=http://vzcrvvlmoaml.com/]vzcrvvlmoaml[/url], [link=http://lvuanjmhhhxq.com/]lvuanjmhhhxq[/link], http://glvvukenfwrn.com/
mgpoPXxhEiLvC