Krónískur heilasjúkdómur

Guðbjörn Björnsson læknir á Vogi skrifar:

Alkóhólismi er krónískur heilasjúkdómur sem gengið hefur vel að meðhöndla á Íslandi síðustu áratugina.

80 prósent sjúklinga SÁÁ hafa komið 3 sinnum eða sjaldnar til meðferðar. Hugsið málið.

3 prósent  sjúklingahópsins hafa komið oftar en 10 sinnum til meðferðar. Það er lítill hluti.

Það má ætla samkvæmt þessu, að þúsundir Íslendinga séu edrú og líða vonandi vel eftir meðferð.

SÁÁ hefur starfað í yfir 30 ár. Ég hitti daglega fólk sem er búið að vera edrú í áratugi, ekki bara í vinnunni heldur á förnum vegi.

Hvar værum við stödd ef allt þetta fólk hefði ekki komist í meðferð?

SÁÁ blaðið, 3.tbl 2009