Vogur verður að vera til

Freyr Eyjólfsson dagskrárgerðarmaður:

Ég hef verið blankur. Skítblankur nánast allt mitt líf. Aldrei átt mikla peninga og oft þurft að spara. En ég þarf að eiga sjúkrakassa á heimilinu ef ég meiði mig. Og ef ég verð lasinn þá vil ég geta treyst á hjálp frá öðrum; veit líka að mér ber skylda að hjálpa öðrum í sömu sporum.

Peningakreppan á að vera lærdómur fyrir okkur. Kannski pínulítil meðferð fyrir þjóðina að hugsa um hin einu sönnu gildi í lífinu. Að hjálpa öðrum - vera til staðar fyrir aðra. Hjálpa hinum veiku. Það er það sem gerir okkur mennsk.

Við vitum að Vogur þarf og verður að vera til. Gerum ALLT til þess að svo verði.

SÁÁ blaðið, 3.tbl 2009