Bakkus svífst einskis

Alkóhólismi er eins og skítuga barnið hennar Evu þegar sjúkdómar eru annars vegar. Bakkus svífst einskis og læsir krumlunni sinni hiklaust í alla þá sem hann kemst yfir. Og sýnir enga grið. Þökk sé sjúkrastöðinni Vogi sem SÁÁ hefur rekið svo snilldarlega í rúm 25 ár. Þarna starfar fólk sem býr yfir mikilli reynslu og bjargar mannslífum. Sjúkdómurinn fer ekki í manngreiningarálit og inni á Vog kemur fólk úr öllum stéttum þjóðfélagsins.

Ég hvet fólk til að standa saman og slá skjaldborg utan um þessa flottu stofnun.

Sólveig Eiríksdóttir matarhönnuður