Sem betur fer eigum við SÁÁ

Allir þekkja SÁÁ af góðu einu. Ég veit af eigin reynslu að starfið þar hefur hjálpað mörgum úr þeim ógöngum sem óhófleg vímuefnaneysla getur leitt til.

Á þeim krepputíma sem nú stendur yfir leita margir á náðir áfengis og annarra vímugjafa og finna þar tímabundna vellíðan og hömluleysi sem fær þá til að gleyma gráum hversdagsleika og vonleysi. Þeim sem þekkja þann feril er ljóst að því fyrr sem sá vítahringur er rofinn þeim mun betra.

Sem betur fer eigum við SÁÁ sem leggur lið til lausnar á erfiðleikum. Farsælast er þó að byrja aldrei að drekka.

Gunnhildur Hrólfsdóttir rithöfundur