Net um allt land

Á fyrstu árum samtakanna var ofið net trúnaðarmanna um allt land og er tilgangur þeirra að vera tengiliðir SÁÁ út á landsbyggðinni. Til þeirra er hægt að leita með ýmis málefni sem þeir reyna að greiða úr eftir föngum.  Einnig eru þeir sérstakir tengiliðir og söluaðilar fyrir SÁÁ-álfinn.

Hérna er listi yfir trúnaðarmenn SÁÁ (excel skjal)

"Það liggur mikið við að vímuefnasjúklingar og aðstandendur þeirra notfæri sér meðferð og fagfólkið sem kemur að málinu greini vandann fljótt og vel og vísi skjólstæðingum sínum þangað. Vandinn er svo stór og líf svo margra ungra karla og kvenna í húfi.

Það er einnig mjög mikilvægt fyrir alla að vita að nú er til meðferð við vímuefnafíkn sem dugar vel. Fjölmörg meðferðarúrræði hafa verið búin til og þróuð á síðustu 50 árum. Rannsóknir hafa sýnt að mörg þessara úrræða virka vel hvert fyrir sig og enn betur sé þeim raðað saman og sett í skynsamlega samfellu. Þetta hafa meðferðarstofnanir fyrir áfengis- og vímuefnasjúka notfært sér og sumum tekist að skapa góða meðferð."