WWW

Veraldarvefurinn (World Wide Web) er skipulegt myndrænt kerfi sem auðveldar fólki að ferðast og rata um internetið og það sem mest er notað. Vefvafrarar (Browser) kallast þau faratæki sem notuð eru til að ferðast um Veraldarvefinn.

Efnið/upplýsingarnar á hverjum stað er geymt á HTML formi sem notandinn getur fengið aðgang að með hjálp vefvafrara (Browser). Það er gert með því að slá inn vefföng eða smella á tengla (Links) sem vísa á aðra staði. Tengill getur innihaldið veffang (URL - Uniform Resource Locator) eða aðra skipun sem færir notandann á annan stað, hleður niður skrám eða kallar fram póstforrit svo fátt eitt sé nefnt.

Punktur hvað?

Hvert URL eða skráarnafn hefst á aðgerð, til dæmis "http://", þó oftast megi sleppa því í nýjustu útgáfum af vefvöfrurum. Þar á eftir kemur tilvísun á aðilann sem geymir eða á síðuna (vefinn). Endingin gefur til kynna heimaland þjónustuaðilans (is = Ísland). Myndast hefur hefð fyrir því að hvert land noti tveggja stafa skammstöfun. Bandaríkin hafa þó sérstöðu þar sem kerfið er upprunnið þar. Hér á eftir er listi yfir nokkrar skammstafanir til að hjálpa fólki við að sjá hvaða landi það er tengt:

.is Ísland
.net Bandaríkin
.edu Bandaríkin (menntastofnanir)
.com Bandaríkin (fyrirtæki)
.gov Bandaríkin (ríkisstofnanir)
.org Bandaríkin (stofnanir einkaaðila)
.mil Bandaríkin (stofnanir á vegum Bandaríkjahers)
.se Svíþjóð
.dk Danmörk
.fi Finnland
.no Noregur
.uk Bretland
.nl Holland
.jp Japan
.au Ástralía
.ca Kanada