Breyttur lífsstíll, betra líf

Reynsla okkar af því að takast á við alkóhólisma leiðir okkur að lokum til þeirrar niðurstöðu að breyttur lífsstíll er nauðsynlegur fyrir okkur til að takast á við sjúkdóminn. Menn þurfa að læra að lifa nýju lífi þegar þeir koma úr meðferð.

Meðferð SÁÁ í dag stuðlar að því að þeir sem leita eftir aðstoð geti náð tökum á lífi sínu. Ætti næsta skref til bættrar þjónustu að vera meiri fræðsla um hvernig breyttur lífsstíll er nauðsynlegur til að lifa með ólæknandi sjúkdómi og hvernig breyttur lífsstíll er lykillinn að innihaldsríku og skemmtilegu lífi? Fræðsla um að "krónískur" sjúkdómur kalli á breyttan lífsstíl alla æfi og að þessi breytti lífsstíll sé ekki aðeins erfið kvöð fyrir sjúklingana heldur í flestum tilvikum ávísun á betra líf en þeir hefðu annars öðlast?

* Kynningarfundir

* Fjölskyldumeðferð

* Spilafíklameðferð

* Batahelgi

* Fyrir aðstandendur

* Foreldrafræðsla

Algengt er að fólk leiti sér fyrst upplýsinga og aðstoðar á Göngudeildum SÁÁ og oft er hægt að leysa vanda þess án þess að til innritunar á Vog þurfi að koma. Á hverju ári eru um 40.000 heimsóknir í göngudeildir SÁÁ og í hverri viku eru flutt þar mörg fræðsluerindi. Starfsmennirnir þar hafa auk þess veitt ýmis konar þjónustu í skólum og fyrirtækjum í gegnum árin. 

Göngudeildirnar í Reykjavík og á Akureyri bjóða öllum áfengis- og vímuefnafíklum mikinn stuðning og eftirfylgni eftir að þeir ljúka meðferð á Vogi, Vík eða Staðarfelli. Framhaldsmeðferðin sem þar fer fram er viðamikil og einstaklingsmiðuð hópmeðferð.