SÁÁ

Könnun

Á SÁÁ að þróa sérstaka meðferð fyrir einstaka hópa eða ætti sama meðferðin að duga fyrir alla?

Fræðslumeðferð

 

Fjölskyldumeðferð - fyrir hvern?

Meðferðin er ætluð aðstandendum alkóhólista/fíkla. Það skiptir engu hvort alkóhólistinn/fíkilinn hefur farið í meðferð eða ekki.

 

Hvenær fer meðferðin fram?

Fjölskyldumeðferðin fer fram á þriðjudögum og fimmtudögum í fjórar vikur og stendur frá kl 17:30 til kl. 20:00.

 

Hvað gerist?

Markmið meðferðarinnar er að auka þekkingu þátttakenda á einkennum og áhrifum fíknsjúkdómsins á fjölskylduna og umhverfið. Fræðslan miðar að því, að þátttakendur geri sér betur grein fyrir samskiptum innan fjölskyldunnar sem auðveldar breytingar á viðhorfum þátttakandans, hugsun og hegðun innan fjölskyldunnar.

 

Til hvers er ætlast?

Við hvetjum alla til að taka virkan þátt í því, sem fram fer í meðferðinni, meðal annars með því að mæta tímanlega og taka tíma milli meðferðarkvölda til að útfylla vinnublöðin. Við biðjum fólk að neyta ekki áfengis á meðan á meðferðinni stendur. Trúnaður skiptir miklu máli og er ætlast til þess að þátttakendur tali ekki við aðra, um þá sem sækja námskeiðið, eða um það sem sagt er á hópfundum.

 

Ef ég kemst ekki?

Komi til fjarvista meðan á meðferðinni stendur, eru þátttakendur vinsamlegast beðnir að tilkynna það með fyrirvara í síma 530-7600. Skiptiborð SÁÁ er opið frá kl. 09:00-17:00 virka daga.

 

Sjá nánar um dagskrá í göngudeilda í Reykjavík og á Akureyri.

 

 

 

 

 

  

 Reynslusögur á RÚV !

Umfjöllun morgunútvarps Rásar 2 um sjúkdóminn og batann hefur vakið athygli. Fyrst var frábært viðtal við Guðlaugu Kjartansdóttur og í öðrum þætti brilleraði Arnar Eggert. Í þriðja þættinum var viðtal við Önnu Jónu Ármannsdóttur og mæltist henni vel að vanda. Hún hefur verið edrú í 30 ár. Svo heyrum við sögu Valgeirs Skagfjörð í fjórða þættinum. Mælum margfalt með þessum viðtölum á Rás 2.

 

 

 

 Nora Volkow í 60 MINUTES

Viðtal 60 mínútna við mestu áhrifamanneskju í fíkniheimum í dag, Íslandsvininn Noru Volkow, forstöðukonu NIDA, bandarísku fíknirannsóknarstofnunarinnar. Viðtalið er að hálfu um þekkingu á fíkn og að hálfu um afa Noru; félaga Trotskí. Og hér talar hún um hættulegastu fíkniefnin.

 

 

 Dagleiðin langa

Minnum á sýningar SÁÁ á Dagleiðinni löngu; frábært leikrit og aðgangseyririnn rennur til góðra mála. Enginn þarf að velkjast í vafa um hversu góð þessi sýning er; hún er frábær eins og hér kemur fram.