Kynningarfundir eru haldnir alla miðvikudaga kl. 18:00 í VON Göngudeild SÁÁ Reykjavík, Efstaleiti 7. Kynningarfundir í Göngudeild Akureyri, Hofsbót 4, eru fyrsta mánudag hvers mánaðar kl. 17:30. Á fundunum er fjallað um starfsemi SÁÁ, fíknsjúkdóma og meðvirkni. Fyrirspurnum er svarað um tengd mál.

Flókinn vandi

Áfengis- og vímuefnaneysla hefur verið vaxandi þjóðfélagsvandi á síðustu og þessari öld. Á Vesturlöndum hefur ástandið einkum versnað eftir að ólöglegur vímuefnafaraldur geysaði meðal ungs fólks á sjöunda áratug síðustu aldar. Þrátt fyrir góðan vilja og miklar mótaðgerðir hefur ekki tekist að draga úr þessum vanda svo nokkru nemi. Þegar á heildina er litið hefur áfengis- og vímuefnavandinn aukist alla síðustu öld og fram á þessa. Þessi vandi er ekki aðeins gríðarlegur að vöxtum heldur einnig flókinn og margbreytilegur.  Þess vegna er mikilvægt að tekið sé á vanda áfengis- og vímuefnasjúkra og aðstandenda þeirra á faglegan hátt.

Áfengis- og vímuefnavandinn birtist okkur í fjölmörgum myndum eins og slysum, sjúkdómum, afbrotum, fjölskylduvandamálum og persónulegri óhamingju. Sjúkdómur áfengis- og vímuefnafíknar sem fengist er við á sjúkrastofnunum SÁÁ er einn hluti þessa mikla vanda.

Sjá ennfremur dagskrár Göngudeildar SÁÁ í Von Reykjavík og Göngudeildar SÁÁ á Akureyri