SÁÁ hefur gefið út ársskýrslu eða ársrit á hverju ári frá árinu 1991 til ársins 2006. Að þessu sinni er ársskýrslan nokkuð sérstök. Í fyrsta lagi hefur ársskýrslan eða ársritið ekki komið út í tvö ár og gert er grein fyrir starfseminni undanfarin 3 ár 2007-2009. Í öðru lagi má finna í skýrslunni fyrstu áhrif hruns fjármálakerfisins og kreppunnar sem hófst haustið 2008 á meðferðarþjónustu og vímuefnaneyslu og fíkn á Íslandi.

Meginmarkmið SÁÁ er að vinna gegn fordómum og vanþekkingu á áfengis og vímuefnafíkn og sjá til þess að vímuefnafíklum og aðstandendum þeirra standi til boða besta meðferð og þjónusta sem völ er á. Samtökin nota eigur sínar til þess arna og standa vörð um þá þekkingu og reynslu sem starfsfólkið og meðferðarstofnanirnar hafa yfir að ráða. Markmiðum sínum ná samtökin einnig fram með því að knýja á um að opinberir aðilar viðurkenni tilvist vímuefnavandans og veiti nægum fjármunum til eðlilegs og nauðsynlegs forvarnar- og meðferðarstarfs.

Ársritið á pdf formi (1.8 MB)