SÁÁ
6. maí 2010 / 08:34
Senda á Facebook

Efling styrkir SÁÁ

 

29. apríl sl  samþykkti aðalfundur Eflingar-stéttarfélags að veita SÁÁ styrk upp á krónur tvær milljónir. Segir í samþykkt fundarins að styrkur þessi sé veittur til eflingar starfsemi SÁÁ sem staðið hefur í brjóstvörn áfengis- og vímuefnaforvarna á Íslandi frá 1977.

 

Styrkur þessi er veittur úr sjúkrasjóði Eflingar sbr 12. grein en þar segir „Ennfremur er sjóðnum heimilt að styrkja stofnanir eða félagasamtök sem sinna heilbrigðis-mannúðar- eða réttindamálum.“

 

SÁÁ þakkar stuðninginn. Peningarnir renna óskiptir í styrktarsjóð SÁÁ en tilgangur sjóðsins er að styrkja fátæka alkóhólista til þess að greiða sinn hluta í áfengis- og vímuefnameðferð. Með því er reynt að koma í veg fyrir að áfengis- og vímuefnasjúklingar fái ekki tilhlýðilega meðferð vegna fátæktar.

 

Á myndinni eru Þórarinn Tyrfingsson formaður SÁÁ Sigurður Bessason formaður Eflingar.

 

 

Til baka...

Skrifaðu þitt álit

 

  

 Reynslusögur á RÚV !

Umfjöllun morgunútvarps Rásar 2 um sjúkdóminn og batann hefur vakið athygli. Fyrst var frábært viðtal við Guðlaugu Kjartansdóttur og í öðrum þætti brilleraði Arnar Eggert. Í þriðja þættinum var viðtal við Önnu Jónu Ármannsdóttur og mæltist henni vel að vanda. Hún hefur verið edrú í 30 ár. Svo heyrum við sögu Valgeirs Skagfjörð í fjórða þættinum. Mælum margfalt með þessum viðtölum á Rás 2.

 

 

 

 Nora Volkow í 60 MINUTES

Viðtal 60 mínútna við mestu áhrifamanneskju í fíkniheimum í dag, Íslandsvininn Noru Volkow, forstöðukonu NIDA, bandarísku fíknirannsóknarstofnunarinnar. Viðtalið er að hálfu um þekkingu á fíkn og að hálfu um afa Noru; félaga Trotskí. Og hér talar hún um hættulegastu fíkniefnin.

 

 

 Dagleiðin langa

Minnum á sýningar SÁÁ á Dagleiðinni löngu; frábært leikrit og aðgangseyririnn rennur til góðra mála. Enginn þarf að velkjast í vafa um hversu góð þessi sýning er; hún er frábær eins og hér kemur fram.