Lokun frestað

Á árinu 2010 er SÁÁ ætlað að reka allt göngudeildarstarf fyrir áfengis- og vímuefnasjúklinga fyrir 40 milljónir króna. Kostnaðurinn við göngudeildarstarfið er áætlaður rúmlega 100 milljónir króna. Það var því ljóst að þrátt fyrir hækkun komugjalda yrði að draga þjónustuna verulega saman og loka göngudeildinni á Akureyri.

Átak í álfasölu

Nú nýlega ákvað Akureyrarbær að leggja göngudeildinni á Akureyri til um 50% af kostnaði deildarinnar. Þess vegna ákvað framkvæmdastjórn SÁÁ að reyna í góðri samvinnu við bæjarráð Akureyrar og íbúana á svæðinu að tryggja rekstur göngudeildarinnar. Ráðist verður í sérstakt átak þess vegna í kringum álfasöluna.

Lokun á göngudeildinni á Akureyri sem átti að koma til framkvæmda 1. júní nk. er því frestað að sinni.