Norður-írskir læknar vilja hækka áfengi

Norður-írska deild bresku læknasamtakanna sendi frá sér áskorun á miðvikudaginn til stjórnvalda um tafarlausir aðgerðir til sporna við skaðsemi áfengis á samfélagið. Læknarnir leggja til að hertar verði reglur um opnunar- og afgreiðslutíma, áfengisauglýsingar verði bannaðar og áfengisgjald verði hækkað.

Í ályktun læknanna segir að kostnaður samfélagsins af ofneyslu áfengis sé á bilinu 92-163 milljarðar króna – en tæp 1,8 milljón manns búa á Norður Írlandi. Að baki þessum tölum er áætlaður beinn kostnaður heilbrigðiskerfis, löggæslu og fangelsa auk tapaðra vinnustunda og félagslegra áhrifa.

Læknarnir segja auðveldast að draga úr þessum skaða með því að hefta aðgengi. Þeir mæla sérstaklega með því að hækka verðið því það hafa góð áhrif á tvennan hátt. Í fyrsta lagi dregur hækkunin úr drykkju alls þorra fólks en síðan enn frekar úr drykkju þeirra sem mest drekka (þeir kaupa mest og hækkunin vegur þyngst hjá þeim) og þeim yngstu (þeir hafa minnst fjarráð).

Í ályktun læknanna kemur fram að rannsóknir sýni að verðhækkanir hafi skjót áhrif til fækkunar ofbeldisafbrota, færri dauðsfalla vegna lifrarbilunar og færri dauðsfalla í umferðinni.

Tillögur Norður-Írsku læknanna eru næstum eins og tillögur skosku deildarinnar í bresku læknasamtökunum. Skotarnir vildu þó heimila áfengisauglýsingar á börum og þar sem það er til sölu en frændur þeirra á Írlandi vildu banna slíkt einnig.