SÁÁ
Tilkynning / 
19. janúar 2012 / 08:10
Senda á Facebook

Heiðursmenn á Vogi

Gunnar Smári Egilsson

Heiðursmenn SÁÁ funda á fimmtudaginn 19. janúar  2012 kl 12 á Vogi. Gestur fundarins er Gunnar Smári Egilsson, formaður SÁÁ.

 

Gunnar ætlar að fara yfir hvernig landslag í meðferðarmálum hefur breyst og velta fyrir sér hlutverki SÁÁ. Þar verður snert á málum eins og búsetuúrræði, þjónustu fyrir aldraða, fjölskyldunni, langtímameðferð, ástandi sjúklinga sem koma til meðferðar og fjáröflunaraðferðir. Þórarinn Tyrfingsson, framkvæmdastjóri meðferðarsviðs, verður annar ræðumaður. Vonandi verða fjörlegar umræður og ættu Heiðursmenn að geta lagt margt gott til málanna.

 

Fundurinn verður hefðbundinn og hefst venju samkvæmt kl  12.00 á sjúkrahúsinu Vogi.

 

Heiðursmenn hafa sannað sig sem öflugur bakhjarl SÁÁ og mikilvægt er að starfið sé lifandi og kröftugt. Skorað er á heiðursmenn SÁÁ að mæta og taka með sér gesti.

 

 

 

Til baka...

 

  

 Reynslusögur á RÚV !

Umfjöllun morgunútvarps Rásar 2 um sjúkdóminn og batann hefur vakið athygli. Fyrst var frábært viðtal við Guðlaugu Kjartansdóttur og í öðrum þætti brilleraði Arnar Eggert. Í þriðja þættinum var viðtal við Önnu Jónu Ármannsdóttur og mæltist henni vel að vanda. Hún hefur verið edrú í 30 ár. Svo heyrum við sögu Valgeirs Skagfjörð í fjórða þættinum. Mælum margfalt með þessum viðtölum á Rás 2.

 

 

 

 Nora Volkow í 60 MINUTES

Viðtal 60 mínútna við mestu áhrifamanneskju í fíkniheimum í dag, Íslandsvininn Noru Volkow, forstöðukonu NIDA, bandarísku fíknirannsóknarstofnunarinnar. Viðtalið er að hálfu um þekkingu á fíkn og að hálfu um afa Noru; félaga Trotskí. Og hér talar hún um hættulegastu fíkniefnin.

 

 

 Dagleiðin langa

Minnum á sýningar SÁÁ á Dagleiðinni löngu; frábært leikrit og aðgangseyririnn rennur til góðra mála. Enginn þarf að velkjast í vafa um hversu góð þessi sýning er; hún er frábær eins og hér kemur fram.