Samtal um alkóhólisma og konur IV: Fyrirgefning og vald

Dr. Sólveig Anna Bóasdóttir

Síðasta samtalið um konur & alkóhólisma verður miðvikudagskvöldið, 23. maí klukkan 20:30 í Von í Efstaleiti. Þar verður fjallað um konur og fjölskyldulægni sjúkdómsins. Dr. Sólveig Anna Bóasdóttir, dósent í guðfræðilegri siðfræði við guðfræði- og trúarbragðadeild Háskóla Íslands mun tala um fyrirgefninguna og setja hana í valdasamhengi.

 

Samtalið verður í beinni útsendingu á vef SÁÁ.

 

Hún segir m.a. annars um fyrirlestur sinn í viðtali við SÁÁ blaðið: „Ef valdajafnvægið hefur ekki breyst og er eins og þegar ofbeldið fór fram þá er ekki um að ræða fyrirgefningu nema þau valdahlutföll breytist. Sá sem er valdaminni og brotið hefur verið á á ekki að fyrirgefa þeim valdameiri sem er áfram í þeirri stöðu að vera valdameiri. Ég tek þetta inn í Nýja testamentið og er með dæmi. Þegar Jesú hangir á krossinum þá fyrirgefur hann ekki heldur segir faðir á himnum mun fyrirgefa ykkur. Þar af leiðandi er boðskapurinn á þá lund að létta af þeirri kvöð af fórnarlömbum að þau verði að fyrirgefa í þeirri stöðu þar sem enginn hefur beðið um fyrirgefningu og valdastaðan er óbreytt. Þar sem aldrei hefur orðið nein sátt eða breyting þá þurfi menn ekki að fyrirgefa. Siðferðilegi boðskapurinn er þar af leiðandi að hjálpendur eigi ekki að knýja á um að fórnarlömb fyrirgefi,“ segir Sólveig Anna.