Lifandi spilamennska á hug Smára allan /
25. júlí 2012 / 10:47
Sálar-, þjólaga, rokk- og popptónlist á Edrúhátíð
Tónlistarmaðurinn Smári Tarfur Jósepsson hefur víða komið við en lengi vel var hann þekktur meðal þungarokkara á Íslandi. Þá gerði hann stans í rapprokksveitinni Quarashi og var þeim til fulltingis er útgáfur og tónleikaferðalög um hin stóra heim voru tíð hjá þeim. Smári söðlaði síðan um, færði sig yfir á kassagítar og stofnaði dúettinn Hot Damn! ásamt Jens Ólafssyni (Jenna úr Brain Police). Það var svo fyrir fáeinum árum að slidegítarleikur í kjöltustíl varð mikið áhugamál hjá Smára og leitaðist hann við að syngja yfir eigin gítarleik – eitthvað sem hann hafði ekki verið þekktur fyrir hingað til. Tónlistin er einhvers konar blanda af sálar-, þjóðlaga, rokk- og popptónlist með smá blúskeim og er mikil upplifun fyrir áheyrendur enda á lifandi spilamennska á hug hans allan um þessar mundir.
Hvað: Tónleikar
Hvenær: Föstudagskvöld
Klukkan: 20.00
Sjá einnig SÁÁ blaðið
og dagskrá í vinnslu
Í vetur sló fyrirbærið kaffi, kökur og rokk & ról heldur betur í gegn í Von, Efstaleiti 7, en um er að ræða magnaða tónleikaröð í þessum góða sal SÁÁ. Þar hafa allar helstu og bestu hljómsveitir Íslands spilað við mikinn fögnuð. Um Verslunarmannahelgina verður sannkölluð uppskeruhátíð fyrir þetta fyrirbæri að Laugalandi í Holtum en í vetur heldur þessi tónleikaröð áfram í Von.