Göngudeild SÁÁ á Akureyri tekin af fjárlögum

Kristján Þór Júlíusson Dalvíkingur,alþingismaður og bæjarfulltrúi á Akureyri heimsótti göngudeild SÁÁ á Akureyri. Þórarinn Tyrfingsson útskýrði starfsemi SÁÁ og gerði grein fyrir rekstri, framlögum hins opinbera og sveitarfélaga. Í máli Þórarins kom fram að göngudeildin á Akureyri er einvörðungu rekin fyrir sjálfsaflafé SÁÁ og án nokkurrar þátttöku Akureyrarbæjar, annarra sveitarfélaga eða ríkisins.  Göngudeildin á Akureyri var á fjárlögum frá Alþingi þar til í fyrra þegar hún var tekin úr þeim.

Kristján svaraði fyrir ríki og bæ og skýrði aðkomu sína að málaflokknum. Vonir standa til að hið opinbera reikni með reksti göngudeilda SÁÁ í næstu fjárlagagerð. Fjörugar fyrirspurnir og umræður urðu að loknum framsöguerindum Þórarins og Kristjáns.

Sjá einnig myndaalbúm frá fundinum