Börn á biðlistum

SÁÁ hefur hrint af stað miklu forvarnarstarfi sem miðar að því að ná til barna alkóhólista. Bæði til að veita þeim stuðning og aðstoð og viðurkenningu. En líka sem forvörn. Því fróðari sem börnin eru því betur í stakk búin eru þau til að taka afstöðu til eigin neyslu síðar meir.

Rannsóknir sýna auknar líkur á að barn sem á foreldri sem leitað hefur hjálpar á Vogi endi á Vogi sömuleiðis. SÁÁ hefur hafið forvarnarstarf fyrir börn alkóhólista á aldrinum 8-18 ára og býður nú upp á sálfræðiviðtöl fyrir þau, sjá nánar.

Í þessu mikla forvarnarstarfi er nú 31 barn á biðlista.  Þar fyrir utan er óvissa um nokkur börn þar sem ekki hefur náðst í foreldra/forráðamenn þeirra. 14 börn hafa bæst við biðlistann í ágúst og 5 nú þegar í september. 21 börn koma í viðtöl um þessar mundir en óvissa ríkir 15 börn.

Vert að að benda á vefslóðina http://www.coaweek.org/ en þar kemur fram að milljónir barna og fullorðinna barna alkóhólista búa við óvissu og erfiðleika vegna drykkju foreldra og forráðamanna. Rannsóknir sýna að a.m.k. 3.7 milljón börn á Englandi búa við alkóhólisma foreldra.