Söfnum saman undirskriftum og skrifum blað

SÁÁ þarf á hjálp að halda. Við erum farin af stað með undirskriftasöfnun og ætlum að auki að gefa út blað til að styrkja málstað okkar. Undirskriftasöfnunin fer fram á vefum okkar en einnig á pappír hvar sem verða vill.

Hér er hægt að opna pdf skjal með áskorun til alþingismanna og sérstakt blað fyrir söfnun undirskrifta. Áhugasamir geta þá prentað út þessi skjöl og safnað undirskriftum hjá sinni fjölskyldu og vinum eða heimabyggð og að því loknu komið blöðunum á skrifstofu SÁÁ í Efstaleiti 7. Við sjáum svo um að lesa saman listana og tryggja að hvergi verði um tvískráningar á ræða.

Við viljum einnig minna á blaðið okkar og biðja sem flesta að rita 5-15 línur til stuðnings SÁÁ og Vogi. Þessar línur geta verið persónulegar, tilfinningaríkar, pólitískar, hvernig sem er.

Aðalmálið er að ritstjórn SÁÁ blaðsins fái línurnar í hendur sem fyrst. Ekki seinna en í næstu viku! Netfang ritstjórnar SÁÁ blaðsins er ritstjorn@saa.is