Sigur í tapleik

Sigur í tapleik, mynd eftir Einar Má Guðmundsson um knattspyrnulið SÁÁ verður sýnd á RÚV klukkan 20:55 í kvöld. Félagarnir Einar Már og Einar Pálmi sátu í Kastljósi í gærkvöldi, sjá hér.

Í dagskrárkynningu RÚV segir: Í myndinni fá tveir liðsmenn sérstaka athygli. Við þá er rætt og þeir segja sögu sína. Annar á að baki margar meðferðir, hinn ekki. Vandinn er samt sá sami, að lifa heilbrigðu lífi og halda sér allsgáðum.

Þeir segja frá sínum aðferðum, hvað dregur alkóhólistann að glasinu og hvað heldur honum frá því. Af öðrum liðsmanninum eru myndir á meðan hann er í neyslu og sýna þær svart á hvítu hvílíkum breytingum einn maður getur tekið. Allsgáður er hann með skýrari mönnum en í neyslu veit hann varla af sér.

Myndin sýnir einnig strákana sem hóp, gleði þeirra og sorgir á vellinum. Þá er einnig rætt við fagmenn um samband íþrótta og vínuefna.

Framleiðandi er Kvikmyndafélag Íslands.