28. janúar 2010 10:08
Batahelgi
Batahelgin fer fram næstkomandi laugardag og sunnudag kl. 09:00 - 16:00. Skilyrði þátttöku í batahelginni er að þátttakendur hafi verið allsgáðir og virkir í AA-samtökunum í minnst þrjá mánuði. Ekkert mælir gegn því að hjón (fólk í sambúð) komi saman á batahelgina, enda verði þau ekki saman í hóp.
Markmið batahelgarinnar er að auka skilning þátttakenda á bata við alkóhólisma og hjálpa þeim til að glöggva sig á hvar þeir eru staddir í þróun batans. Í kjölfar helgarinnar ættu þátttakendur að skilja betur en áður, hvaða verkefnum þeir standa frammi fyrir, vera hæfari til að setja sér markmið og framfylgja þeim.
Fyrirlestrar og hópfundir
Batahelgin fer fram með fyrirlestrum og hópfundum. Haldnir eru fimm fyrirlestrar:
• Alkóhólismi og bati við honum
• Bataþróun
• Bati og ófullkominn bati
• Föll og fallþróun
• Sjálfsskoðun
Þátttakendur fá minnisblöð í fyrirlestrartímum svo þeir geti fylgst betur með og rifjað upp efni fyrirlestrana síðar. Hópfundir verða 6 og einn sameiginlegur fundur með öllum þátttakendum er í lokin. Á hverjum hópfundi er sérstakt umræðuefni tengt fyrirlestrunum, sem ráðgjafi kynnir í upphafi fundar.
Batahelgar eru reglulega á dagskrá í VON Göngudeild SÁÁ í Reykjavík og einnig í Göngudeild SÁÁ á Akureyri.
Skráning og upplýsingar eru í síma 530 7600