8. febrúar 2010 06:21
Göngudeild SÁÁ á Akureyri lokað í vor
Hjá SÁÁ hefur verið tekin ákvörðun um að standa vörð um starfsemi á Vogi og í eftirmeðferðarstöðvum, en skera niður annars staðar í starfseminni, svo sem á unglingadeild og á göngudeildum. Göngudeild SÁÁ á Akureyri verður lokað í vor samkvæmt ákvörðun framkvæmdastjórnar SÁÁ. Ákvörðunin er liður í sparnaði hjá meðferðarsamtökunum í kjölfar niðurskurðar á framlögum ríkisins til sjúkrareksturs SÁÁ.
Þegar fjárlög ríkisins voru samþykkt rétt fyrir áramót varð ljóst að framlag ríkisins til SÁÁ myndi minnka um 13 prósent á tveimur árum. Samkvæmt upplýsingum SÁÁ kallaði ákvörðunin á sparnað upp á 70 milljónir króna á þessu ári.
Sjá visir.is