Efstaleiti 7, 103 Reykjavík.
Sími: 530-7600, fax: 530-7601
Opnunartími: Mán.- fim. kl. 9:00-17:00
Fös. kl. 9:00-16:00
Lokað í hádeginu frá kl.12:00-12:45

Dagskrárstjóri Göngudeildar SÁÁ í Reykjavík er Hörður Oddfríðarson

Eftir meðferð fá sjúklingar formlegan stuðning á göngudeildum SÁÁ einu sinni til tvisvar í viku í þrjá til tólf mánuði. Auk göngudeildarinnar í Reykjavík rekur SÁÁ einu göngudeildina fyrir áfengis- og vímuefnasjúklinga utan höfuðborgarsvæðisins á Akureyri. Foreldrum, mökum og öðrum úr fjölskyldu vímuefnaneytandans býðst sérstök fræðsla og meðferð á göngudeildunum. Heimsóknir á göngudeildir SÁÁ eru yfir 22 þúsund á ári.

Fimm meginleiðir

Meðferðarúrræðin og aðstoðin eru margbreytileg en þó má greina fimm meginleiðir sem standa sjúklingum til boða að lokinni dvöl á Vogi. 

• Fyrsti möguleikinn er að fólk fari til síns heima að lokinni stuttridvöl á Vogi og fái eftir það óskipulagðan stuðning frá göngudeild eftir þörfum.
• Annar valkostur er fyrir þá sem búsettir eru á Reykjavíkursvæðinu, eru eldri en 25 ára og búa við nógu góðar félagslegar aðstæður og líkamlega heilsu. Þessir einstaklingar fá göngudeildarmeðferð í Reykjavík fjögur kvöld í viku fyrstu fjórar vikurnar en síðan einu sinni í viku næstu þrjá mánuðina.
• Þriðji möguleikinn fyrir karla og konur er að fara á Staðarfell eða Vík til fjögurra vikna endurhæfingar og þiggja að þeirri dvöl lokinni stuðning frá göngudeild í tvo til þrjá mánuði.
• Fjórði möguleikinn er fyrir endurkomukarla og felst hann í sérstakri meðferð í fjórar vikur á Staðarfelli (Víkingameðferð) og síðan stuðningi í göngudeild í eitt ár.
• Fimmti valkosturinn er sérstaklega fyrir konur. Að lokinni dvöl á Vogi fara þær í sérstaka fjögurra vikna kvennameðferð á Vík og þaðan í göngudeildarstuðning í eitt ár.

Þjónusta við unglinga

Göngudeild SÁÁ hefur með ári hverju aukið þjónustu við unglinga sem flosnað hafa upp frá meðferðinni á Vogi eða hafa aldrei verið þar, Þannig hefur færst í vöxt að undirbúa unglingana fyrir meðferðina í einstaklingsviðtölum á göngudeild. Á sama tíma hefur þjónusta við foreldra þessara ungmenna einnig aukist.

Unglingarnir og fjölskyldur þeirra snúa sér oftast í byrjun til göngudeilda SÁÁ í Reykjavík eða á Akureyri. Þar eru unglingarnir og fjölskyldur þeirra búin undir væntanlega meðferð sem hefst, líkt og hjá öðrum, á Sjúkrahúsinu Vogi. Þar er gerð læknisfræðileg, geðlæknisfræðileg og sálfræðileg greining á vanda þeirra og framhaldinu hagað samkvæmt niðurstöðum greininganna.

Smellið á dagskrá Göngudeildar í Reykjavík
Sjá meira um þjónustu Göngudeildar SÁÁ í Reykjavík

Sjá einnig pfd skjöl um úrræði og fundi í Von Efstaleiti