Sumarhátíð SÁÁ 2026 verður haldin 24. júní
Árleg sumarhátíð SÁÁ fer fram miðvikudaginn 24.júní 2026 kl. 16:00–19:00 í Fjölskyldugarðinum í Laugardal. Um er að ræða notalegan viðburð fyrir skjólstæðinga, aðstandendur, starfsfólk og velunnara samtakanna.
Boðið verður upp á fjölbreytta dagskrá með tónlist, leikjum, veitingum og frítt í öll tæki. Fyrstu gestir hátíðarinnar fá glaðning og því um að gera að mæta tímanlega!
Sumarhátíðin er mikilvægur þáttur í samfélagsstarfi SÁÁ og markmiðið er að efla samveru, tengslamyndun og gleði meðal þeirra sem standa að baki starfsemi samtakanna.
Til að geta gert sem besta ráðstöfun varðandi veitingar biðjum við gesti vinsamlegast að skrá sig fyrirfram. Skráningin er einföld og tekur aðeins örfáar mínútur.
Skráning fer fram hér
Við hvetjum alla sem ætla að mæta til að skrá sig sem fyrst – og muna að fyrstu gestir hátíðarinnar fá glaðning!
