Spurt og svarað

Hvernig geri ég beiðni um innlögn á Sjúkrahúsið Vog?

Hringir í síma 530-7600, skrifstofan á Vogi er opin virka daga kl.08:00-12:00 og kl.13:00-16:00.

Hverjir aðrir geta gert beiðni um innlögn?

Heimilislæknir/læknir/félagsráðgjafi/barnavernd o.fl. geta sent tilvísun eða haft samband og þá er gerð beiðni um innlögn. Einnig getur fjölskylda/aðstandendur hringt og gert beiðni um innlögn.

Hvað get ég gert ef ég á nú þegar beiðni um innlögn?

Ef þú bíður innlagnar eða óskar eftir annarri aðstoð, er hægt að leita á göngudeildir SÁÁ í Reykjavík og á Akureyri í síma 530-7600. Þar er hægt að panta viðtal á staðnum eða í fjarþjónustu. Einnig eru meðferðarúrræði í göngudeildum sem geta komið í stað innlagnar á Sjúkrahúsið Vog.

Hvað getur biðtíminn("biðlistinn")verið langur eftir innlögn á Sjúkrahúsið Vog?

Biðtíminn eftir innlögn á Vog ræðst fyrst og fremst af alvarleika vandans og reynt eftir fremsta megni að grípa snemma inn í byrjandi vanda. Best er að leita aðstoðar á göngudeild, en þar er hægt að fá mat á vandanum og leiðbeiningar um viðeigandi úrræði.

Hvað er meðferðin á Sjúkrahúsinu Vogi löng og tekur eitthvað annað við?

Afeitrunar- og fráhvarfsmeðferðin á Vogi er um 10 dagar og inniliggjandi meðferð á Vík er 28 dagar. Á göngudeildum SÁÁ í Reykjavík og á Akureyri er einnig boðið upp á meðferðarúrræði sem gagnast mörgum.

Hvert get ég leitað annað vegna vanda af fíknsjúkdómi?

Aðstoð vegna vanda af fíknsjúkdómi er að finna hjá heilsugæslunni, hjá velferðarsviði sveitarfélaga (félagsráðgjafar), einnig er fíknimeðferð á fíknigeðdeild Landspítalans og á bráðamóttöku geðdeildar, sími 543-1000.