Afmælisráðstefna SÁÁ 2027, í samvinnu við ISAM
SÁÁ blæs til alþjóðlegrar ráðstefnu í samvinnu við ISAM, International Society of Addiction Medicine, í tilefni af 50 ára afmæli SÁÁ árið 2027. Ráðstefnan fer fram dagana 9. til 11. júní 2027 og verður á Hilton Reykjavík Nordica hóteli. Takið dagana frá fyrir þessa spennandi ráðstefnu. Hér er hægt að opna heimasíðu ráðstefnunnar og skrá sig til leiks.
Undir yfirskriftinni "Frá vísindum til bata" mun ráðstefnan varpa ljósi á mikilvæg tengsl rannsókna, klínískrar þjónustu, lýðheilsu, stefnumótunar og reynslu fólks af eigin bata. Hún mun leiða saman fagfólk, rannsakendur, stefnumótendur og talsfólk bata frá Norðurslóðasvæðinu og víðar til að miðla þekkingu, kanna nýjungar og efla samstarf á sviði fíknilækninga.
Í samræmi við hugmyndafræði SÁÁ verður ráðstefnan og dagskrá hennar aðgengileg og gagnleg öllum fagstéttum sem koma að fíknimeðferð og stuðningi við bata. Þar má nefna lækna, áfengis- og vímuefnaráðgjafa, hjúkrunarfræðinga, sjúkraliða, félagsráðgjafa, sálfræðinga og aðra sem starfa á þessu sviði, auk þeirra sem hafa víðtækari áhuga á fíkn, bata og lýðheilsu.
Í fimm áratugi hefur SÁÁ gegnt leiðandi hlutverki í þróun gagnreyndrar fíknimeðferðar og bataþjónustu á Íslandi. Ráðstefnan árið 2027 mun heiðra þessa sögu og horfa jafnframt til framtíðar þjónustu sem byggir á vísindalegri þekkingu og einstaklingsmiðaðri nálgun.
