Vel heppnuð Sumarhátíð SÁÁ

Það var sannkölluð sumarstemning þegar starfsfólk, skjólstæðingar, sjálfboðaliðar, velunnarar og aðrir gestir komu saman á Sumarhátíð SÁÁ. Veðrið lék við okkur, sólin skein og góð stemning ríkti frá upphafi til enda.

Gestir nutu þess að hittast, spjalla saman og gæða sér á grilluðum pylsum í Fjölskyldu- og Húsdýragarðinum. Það var sérstaklega ánægjulegt að sjá hversu margir mættu og tóku þátt í deginum.

Slík samvera skiptir miklu máli. Hún styrkir tengsl, skapar samfélag og minnir okkur á mikilvægi þess að gefa sér tíma til að njóta góðra stunda saman.

Við hlökkum til að hittast aftur á næstu Sumarhátíð SÁÁ.

Hér fyrir neðan má sjá myndir frá deginum sem fanga sumarstemninguna og góðu samveruna.